viernes 29 de abril de 2016 - 20h
NUN QUEISA un retratu cuntáu del bolu vaqueiru
NUN QUEISA ye un documental que fala de la recuperación del xuegu de bolos na montaña suroccidental asturiana, recorriendo les implicaciones emocionales, sociales y económiques d'esi resurdimientu de calter deportivu.
NUN QUEISA ye una hestoria, a medies narrada y a medies cuntada en primer persona del plural, que fala de cómo un grupu humanu punxo en valir parte del so patrimoniu, d'alcuerdu a una actitú de resistencia contra'l desaniciu de los pueblos y l'escaezu de la cultura tradicional.
Carlos Suari, de quien ye la idea y el testu del documental, y Pacu'i Pricu (Francisco Álvarez Cadenas), que ye'l presidente de l'Asociación del Bolu Vaqueiru y co-protagonista del documental, van presentanos NUN QUEISA y, en viéndolu, van abrir alderique alredor del documental, del xuegu que retrata, de los bolos en xeneral o de cualquier otru asuntu nel ámbitu de los xuegos y los deportes tradicionales. Dambos, Paco y Carlos, participen activamente na Asociación Europea de Xuegos y Deportes Tradicionales.
Vienres 29 d'abril a les 20:00 nel Llar La Llegra.
