martes 10 de mayo de 2016 - 19h30
Ciclu de cine n'asturianu: "Bernabé"
El mes de mayu ye de gran importancia pa la llingua asturiana, cola Selmana de les Lletres desendolcándose. Ye por ello que nel Llar La Llegra entamamos pa esti mes un ciclu de cine n'asturianu en distintes vertientes:
- Martes 10: Bernabé (película rodada n'asturianu)
Bernabé Ruenes Santoveña, vecín de Turanzas (Conceyu Llanes)
conviértese a causa d'un conflictu nel serviciu militar nel añu 1946 nuna lleenda dientro de la tradición oral del Oriente d'Asturies. En 1952 piérdese-y la pista, dalgunos sitúen la so muerte en Pivierda (Conceyu Colunga) y otros aseguren la so salida a Venezuela.
Nel añu 2012 Pablo Casanueva fai un guión tres la recoyida de testimonios orales. Ensin apenes medios, nin actores profesionales y gracies a collaboraciones, esi guión conviértese en película y preséntase en Ribeseya, el 29 de xunu del 2013, siendo esti'l primer llargumetraxe rodáu dafechu n`asturianu.
http://www.bernabelapelicula.com/
-Martes 17: Trainspotting (versión orixinal sotitulada n'asturianu por Pelis N'ast)
-Martes 24: L'Acorazáu Potemkin (muda retulada n'asturianu por Gonzali Prods)
-Martes 31: Esbilla de curtios n'asturianu
Too ello dende les 19:30, con flaires de maiz, y de baldre. ¡Nun te lo pierdas!
