jueves 8 de septiembre de 2016 - 13h
MANIFESTACIÓN: GANAR LA CAI FACIENDO PAÍS
[ASTURIANU]
Un 8 de setiembre más tornamos a les cais les que creyemos nuna alternativa al discursu autocomplaciente y cuadonguista que se mos presenta pa esti día dende l'ámbitu institucional: y mos sobren los motivos.
Puxamos por dá-y la vuelta a la murnia realidá socieconómica que sufrimos na nuesa nación: la crisis permanente na que nos atopamos dende la reconversión sigue ensin señes de solucionase, con un desmantelamientu industrial que sigue avanzando al mesmu tiempu que la imposición d'un modelu terciarizáu, basáu na precariedá y la esplotación. Les altes tases xenerales de paru garren especial drama nel tarrén xuvenil, onde casi un 60% de desempléu trae como consecuencia miles d'emigraes cada añu. Sicasí, les que queden nun lo tienen muncho meyor: sigue retayándose na sanidá y educación pública, l'accesu a les prestaciones sociales ye cada vegada más difícil, y la probitú nun mengua.
Estes condiciones inaceptables vense empeoraes inda más pa les moces y muyeres. Los techos de cristal, la feminización de la probeza y de los trabayos rellacionaos colos cuidaos, tamién esos trabayos na casa cola reciella, cola xente mayor, coles persones dependientes, que nin se paguen nin se valoren. Una situación estructural que nos lleva a les moces y muyeres a carecer violencies estremaes: dende les agresiones sexuales d'estremada naturaleza al asesinatu, con una sociedá qu'énte'l feminicidiu mira pa otru llau. Un despreciu pa les nueses vides y los nuesos cuerpos; siguimos reclamando l'albuertu de baldre y seguru pa toes, tamién una atención sanitaria que valore y reconoza les nueses propies decisiones, la nuesa propia autonomía, que nun presuponga la nuesa orientación sexual, la nuesa identidá de xéneru o les nueses rellaciones
Nel tarrén identitariu, dende les instituciones y el poder mediáticu siguen puxando pola aculturación: arrequexamientu de la cultura y llingües propies na RTPA, promoción con dinero público de corríes de toros, marxinación alministrativa, escolar, y en definitiva ñegación de drechos pa les comunidaes de falantes d'asturianu y gallego-asturiano, ya incluso l'incumplimientu de la so propia llegalidá n'estayes como la toponímica, son dalgunos exemplos de l'aición consciente ya institucionalizada de continuu ataque a cualquier seña propia.
Con esto y más, evidente la necesidá d'un cambéu de rumbu n'Asturies: siguir construyendo y faciendo ver la necesidá d'un proyeutu de país, basáu en cuestiones básiques como la xusticia social, el desarrollu d'una axenda propia qu'atienda a los problemes y necesidaes del nuesu pueblu, y too ello dende l'autoorganización, porque ensin unes ferramientes organizatives feches por y pal pueblu asturianu, nun ye posible tolo anterior.
Pa siguir avanzando nestes cuestiones, pa siguir faciendo país, reivindicamos la cai como'l camín principal ya irrenunciable, texendo redes nos pueblos, nes villes, nos barrios, nos conceyos, axuntando esfuercios, desmontando les manipulaciones hestóriques a les que mos someten como pueblu dende les esferes institucionales en díes como esti 8 de setiembre: en definitiva, faciéndonos valer como trabayadores, como muyeres, como asturianes, ante los que mos roben el futuru dende'l sucursalismu autonómicu, dende'l centralismu estatal, dende la farsa europea, dende la lóxica neolliberal del FMI, o dende'l militarismu imperialista de la OTAN.
Tornar a enllenar les cais ye un oxetivu y una necesidá que munches y munchos compartimos: construyir y facenos respetar.
[GALLEGO-ASTURIANO]
Un 8 de setembre máis volvemos ás cayes as que cremos núa alternativa al discurso autocomplacente y cuadonguista que se nos presenta pra este día dende el ámbito institucioal y sóbrannos os motivos.
Queremos darye a volta á triste realidá socioeconómica que sufrimos na nosa nación: a crisis permanente na que nos atopamos dende a reconversión sigue sen sinales de solucionarse, con un desmantelamento industrial que sigue avanzando al mesmo tempo qu'el imposición d'un modelo tercializado, basado na precariedá a explotación. As altas tasas xenerales de paro coyen especial drama nel terrén xuvenil, onde case un 60% de desempre trae como consecuencia miles d'emigradas cada ano. Con todo, las que quedan nun lo tein muito miyor: sigue recortándose na sanidá y educación públicas, el acceso ás prestacióis sociales é cadaldía máis difícil y a probeza nun mengua.
Estas condicióis inaceptables vense empioradas einda máis pras mozas y muyeres. Os teitos de cristal, a feminización da probeza y dos trabayos relacionados colos cuidados, tamén esos trabayos na casa colos nenos, coa xente mayor, coas personas dependentes, que nin se pagan nin se valoran. Úa situación estructural que nos leva ás mozas y muyeres a sufrir estremadas violencias: dende agresióis sexuales de distinta naturaleza al asesinato, con úa sociedá qu'ante el feminicidio mira pra outro lado. Un desprecio prás nosas vidas y os nosos corpos; siguimos reclamando el aborto gratuíto y seguro pra todas, tamén úa atención sanitaria que valore e reconoza as nosas propias decisióis, a osa propia autonomía, que nun presuponga a nosa orientación sexual, a nosa identidá de xénero ou as nosas relacióis.
Nel terrén identitario, dende as institucióis y el poder mediático siguen apostando pola aculturización: arrinconamento da cultura y llinguas propias na RTPA, promoción con dieiro público de corridas de toros, marxinación administrativa, escolar y, en definitiva, negación de deretos prás comunidades de falantes de asturiano y gallego-asturiano, y mesmo incumplimento da súa legalidá en estaxas como a toponímica, son dalgús exemplos del accion conscente y institucionalizada del continuo ataque a colquera seña propia.
Con esto y máis, evidente a necesidá d'un cambeo de rumbo en Asturias: siguir construíndo y fendo ver a necesidá d'un proxecto de país basado en cuestióis básicas como a xusticia social, el desenvolvemento d'úa axenda propia qu'atenda a os problemas y necesidades del noso poblo, y todo elo dende el autoorganizacion, porque sen úas ferramentas organizativas feitas pol y pral poblo asturiano non é posible todo lo anterior.
Pra siguir avanzando nestas cuestióis, pra siguir fendo país, reivindicamos a caye como el camín principal e irrenunciable, texendo redes nos poblos, nas vilas, nos barrios, nos conceyos, axuntando esforzos, desmontando as manipulacióis históricas ás que nos somenten como poblo dende as esferas institucionales en días como este 8 de setembre: en definitiva, féndonos valer como trabayadores, como muyeres, como asturianas, ante los que nos rouban el futuro dende el sucursalismo autonómico, dende el centralismo estatal, dende a farsa europea, dende a lóxica neoliberal del FMI, ou dende el militarismo imperialista de la OTAN.
Volver a encher as cayes é un obxectivo y úa necesidá que muitas y muitos compartimos: construir y fernos respetar.
Origen : mensaje recibido el 28 agosto 23h