jueves 8 de septiembre de 2016 - 17h
III Alcuentru’l Llibru Anarquista d’Asturies
¿Qué?
El III Alcuentru del LLibru Anarquista d'Asturies ye un actu colectivu pa charrar de los llibros fechos -escritos, distribuyíos, espublizaos y lleíos-, dende abaxu y dende afuera, por persones que son conscientes de la so realidá y de la que-yos arrodia, qu'usen la lliteratura -seya ficcionada o cruda realidá- como l'arma de lliberación qu'enxamás debió dexar de ser, tanto pa denunciar les sos condiciones de vida como p'aprender a texer una escala cola qu'ayudanos a salir del pozu.
¿Cuándo?
L'Alcuentru va cellebrase los díes 8, 9 y 10 de Setiembre na Casa'l Pueblu de Xixón, nos baxos de la Sindical, na cai Llanes, 11.
¿Quiénes?
Durante'l Alcuentru vamos topanos delles persones con roles camudables ya intercambiables. Nun nos presta'l star system del rock'n'roll, y de xuru qu'a lo llargo d'estos tres díes podrás ver a la mesma persona falar como autora, vender llibros como editora, canciar como música y xintar y rir como una más. Pero si quies saber daqué más, pues consultar la programación, les editoriales, les llibreríes, los grupos o los llibros que van presentase.
Programación jueves 8 de septiembre:
17:00
Apertura de puestos y presentación del Alcuentru
Entamamos. Presentaremos l'Alcuentru y les editoriales, llibreríes y coleutivos pondrán les sos espublizaciones nos puestos habilitaos.
18:00
Presentación de 'Lluvia d'Agostu' por Paco Álvarez y otres novedaes de Hoja de Lata
L'autor de la primera novela en llingua asturiana sobre Durruti y la editorial Hoja de Lata presentarános tanto el llibru mentau asina como otres novedaes de l'editoral.
El 20 de payares de 1936 morría un home y nacía un mitu. Buenaventura Durruti, el mecánicu, el pistoleru anarquista, l'espropiador de bancos, el cenetista carismáticu, el milicianu de la Barcelona antifascista. Mediu sieglu dempués, una periodista francesa enfótase n'esclariar el misteriu de la muerte del revolucionariu llexendariu n'aquel Madrid que-y negaba'l pasu al avance fascista. Nesta investigación vamos ser testigos del primer gran atracu a mano armada nel Estáu español, vamos siguir los pasos clandestinos de Durruti y los sos compañeros Ascaso y Jover per América Llatina, vamos acompañalos al esiliu francés pa preparar la insurrección y vamos empobinar pa Zaragoza cola Columna Durruti llueu de parar el golpe militar en Cataluña. Una biografía novelada maxistral.
Entrevista con Paco Álvarez, autor de Lluvia d'Agostu, en el mítico Marabayu de Radio Kras, a cargo de Falo.
19:00
Mesa Reonda - Alderique "Distribución anticomercial, autoempleu y otres yerbes"
N'un formatu totalmente abiertu, charraremos coleutivamente alrodiu de les ventaxes, limitaciones y contraidiciones de la nomá 'distribución anticomercial' y del 'auto-emplegu' como víes de encarar un proyeutu editorial o de distribuición.
20:00
Carlos Taibo - Para entender el TTIP
21:00
Pinchoteu veganu y música a Cargu del Coru Internacional Antifacista 'Al Altu La Lleva'
