domingo 20 de noviembre de 2016 - 12h30
Vermú antifascista en Sestaferia
Estes son les actividaes programaes pa lo que queda de Payares. Entamamos esti sábadu col magüestu, con sidre, castañes, musiquina y dalguna actividá pa nenes y nenos. Tamién tendremos una charra na que nos cuntarán la situación de los deteníos en Ciñera, unos díes enantes del Xuiciu en Llión. El 25 y 26 La Bitxo y dellos collacios echaranos un gavitu nel taller grafiteru pa que entre toes y toos faigamos un mural perguapo. El 20N entamamos un vermú y el domingu 27, tamién en sesión vermú y con xinta, Berto Peña falaranos de la simboloxía nel arte popular asturiano. Toles actividaes son de baldre.
Dende esti mes vuelve a xuntase el grupín de baille asturianu. Si daquién quier deprender o ya sabe y quier baillar, atoparalos los martes a partir de les 20 hores. Además queremos anunciavos que dende'l prósimu mes d'Avientu los vienres pola mañana formarase un grupu d'apoyo mutuo, gracies al sofitu de la xente de Hierbabuena.
(AVISU IMPORTANTE: El grupín de baille ye los martes, no los llunes como vien nel cartelo. Facebook nun dexa camudar semeyes publicaes. Subirémoslo camudáu y pondrémoslo como publicación destacada nel nueso perfil)
