sábado 11 de enero de 2014 - 19h
Presentación del númberu 12 de la revista Formientu en La Manzorga
La revista Formientu presenta'l númberu 12 en La Manzorga. Espaciu Cultural
La revista, dirixida por Inaciu Galán dende la so fundación en 2006, sigue apostando por ser cantera de nuevos autores en llingua asturiana, dándolos a conocer y apurriendo un espaciu pa los sos testos. El viniente sábadu 11 de xineru va presentase nel espaciu cultural La Manzorga, en Xixón, de magar les 19 hores y cola presencia d'autores, que darán llectura y comentarán los testos de la revista.
Na sección "Cuando... yera autor mozu" apaez nesti casu un testu de Pachín de Melás. Na sección búscase dar la obra escrita por autores clásicos o contemporáneos, escrita demientres la so mocedá. El poema asoleyáu nesta ocasión asoleyólu l'autor xixonés con 22 años.
Nesti númberu apaecen testos d'Alberto Cla, Andrés Astur Treceño, Cristina Menéndez Martín, Fonsu Suárez, David Carrasco Díaz, Naomi Suárez González, Ismael Carmona García, Nayar Crespo Sánchez, Jaime Martínez Menéndez, Pablo M. Testa, Alba Llaneza Pulido, María García Díaz, Blanca Fernández Quintana y Xurde Álvarez Antón. Amás, ta ilustráu pol xoven fotógrafu y cineasta Pablo Casanueva.
