jueves 22 de diciembre de 2016 - 19h30
Presentación: "Aguantando Cachones 2" y reedición de "Manzajú"
Organizado por: Ateneo Obrero de Gijón
PRESENTACIÓN DE LIBROS
Aguantando cachones 2 y Manzajú (reedición)
El próximo jueves, 22 de diciembre, a las 19H.30', en el local social del Ateneo Obrero de Gijón (Cl Covadonga, 7 - 1o Izda.), tendrá lugar la presentación de los libros Aguantando cachones 2 y Manzajú (reedición), de los que es autor Ruma Barbero.
Na segunda entrega de Aguantando cachones Ruma Barbero recueye una escoyeta de les hestories que publicó nos caberos años nel so blogue. Relluma l'homenaxe que-y ufierta al so tíu Miguel, perimportante a lo llargo la so vida. Tamién alcontramos el so compromisu cola Llingua Asturiana, desfaciendo dellos xuicios y prexuicios que se sienten sobre ella, denuciando l'esfarrapamientu de la toponimía, la persecución de les asociaciones culturales asturianistes, … Amás de l'alcordanza pa colos desapaecíos pola represión franquista y delles pingarates de la so vida familiar y estudiantil en Salamanca. Con Manzajú algamó la primer edición del premiu Alfonso Iglesias nel añu 2009, una novela gráfica de calter autobiográficu na que tomando como referente'l refrescu de zume de mazana, que nos años setenta foi perpopular n'Asturies, desendolca una revisión de la so infancia na que la figura del so güelu ye un fiensu perimportante y al empar vemos la tresformación, a lo llargo'l sieglu venti, de la parroquia xixonesa de Somió.
Ruma Barbero (Rumaldo Antón Barbero de Diego. Somió-Xixón, 1971) ye llicenciáu en Belles Artes pola Universidá de Salamanca, illustrador, editor fundaor de la editorial "Cactus Comics", dibuxante de cómic, lletrista musical y miembru fundaor de los grupos musicales "Felpeyu", "Los Ciquitrinos" y "¿Aú?". Tien ganaos los premios autonómicos de cómic como "El Llapiceru", "Comarca de la Sidra" y el premiu más prestixosu n'Asturies, el "Premiu Alfonso Iglesias", que ganó dos veces, la primera nel añu 2009 con "Manzaju", qu'agora vuelve a asoleyase, y nel añu 2015 con "El viaxe a la lluz". Tien de destacase que foi xuráu nos Premios Alfonso Iglesias nos años 2012, 2013 y 2016. Tien abonda esperiencia docente con dellos cursos de cómic, asina como na enseñanza secundaria. Tamién diseñó caráturles de discos pa grupos como Felpeyu, La Bandina, DRD, Blima, Tuenda, Herr Manos, ente otros. A lo qu'hai qu'amestar un "Premiu de la Música" nel añu 2008. Entamó a publicar nel añu 1996 cola primera entrega de "Los Aguarones", que dempués van siguir nel periódicu "Güei", amás publicó en "Les Noticies" les tires de "Marcianaes". Nel añu 2012 asoleyó la novela gráfica "La Chelita. El Salvador 1992", primero na so versión n'asturianu, y nel añu 2013 na versión en castellanu. Nesi añu 2013 sacó la primer entrega del álbum "Aguantando cachones". Tamién participó nel ábum compartíu "La Llingua Invisible", editáu pola Conseyería d'Educación, Cultura y Deportes del Principáu d'Asturies pa cellebrar el Día de les Lletres Asturianes d'esi añu. Ta acabante de sacar "Moyando'l culu 2", que recopila les tires publicaes na web moyandolculu.com, que tuvo la so primer entrega l'añu pasáu.
El acto será presentado por José Ramón Matilla Rato, profesor de Llingua Asturiana del IES de Corvera d'Asturies.
La entrada es libre. Atentamente,
Ateneo Obrero de Gijón