viernes 23 de diciembre de 2016 - 19h
Concentración tres un ataque fascista al Llar La Llegra
Na madrugada del domingu al llunes, el Llar La Llegra -espaciu de la izquierda soberanista asturiana que lleva faciendo dende marzu de 2015 actividaes de tipu cultural, lúdicu, formativu y como espaciu d'alderique y reflexón política- sufrió un ataque de calter fascista y machista, con numberoses pintaes y trés ventanes rotes a pedraes.
Nun ye la primer vegada que l'espaciu asitiáu na Cai El Postigu Baxu 40 d'Uviéu sufre agresiones asemeyaes, realizaes por grupúsculos fascistes. En cualquier casu, dende La Llegra tenemos claro qu'esti tipu esti tipu d'actos y les idées nes que s'amparen nun van ser quién a que dexemos de facer barriu, ciudá y país, d'acoyer charles, proyeiciones, esposiciones,presentaciones de llibros, talleres y una biblioteca popular. Nenguna pedrada, nin nenguna pintada, va facer que dexemos d'imaxinar una sociedá meyor y una Asturies alternativa.
Ye por ello qu'esti vienres 23 convocamos CONCENTRACIÓN delantre'l Llar La Llegra, pa denunciar y oponenos a esti tipu de práutiques que nun vienen afeutando namás a La Llegra: otros Centros Sociales Autoxestionaos d'Asturies y persones de coleutivos concretos esperimentaron ataques paecíos nos últimos meses,. Poro, facemos un llamáu a participar y amosar que n'Asturies nun hai sitiu pal fascismu, el machismu, nin cualquier otra forma d'opresión.
+ info: https://www.facebook.com/EspaciuLaLlegra/posts/1288129114582613
Organizado por Espaciu La Llegra
https://www.facebook.com/events/208224882916865/