jueves 29 de diciembre de 2016 - 19h30
Alcuentru con Ruma Barbero - "Aguantando Cachones 2" y "Manzajù"
Esti xueves 29 d'Avientu a les 19:30, La Semiente torna a recibir al escritor y debuxante Ruma Barbero De Diego, que esta vegada trae baxo'l brazu 2 títulos pa presentanos, dempués de tar n'otres vegaes presentando obres como "La Chelita" y "Moyando'l culu 2015"
Per un llau na segunda entrega de "Aguantando cachones" Ruma Barbero recueye una escoyeta de les hestories que publicó nos caberos años nel so blogue. Relluma l'homenaxe que-y ufierta al so tíu Miguel, perimportante a lo llargo la so vida. Tamién alcontramos el so compromisu cola Llingua Asturiana, desfaciendo dellos xuicios y prexuicios que se sienten sobre ella, denuciando l'esfarrapamientu de la toponimía, la persecución de les asociaciones culturales asturianistes, …
Amás de l'alcordanza pa colos desapaecíos pola represión franquista y delles pingarates de la so vida familiar y estudiantil en Salamanca. Con Manzajú algamó la primer edición del premiu Alfonso Iglesias nel añu 2009, una novela gráfica de calter autobiográficu na que tomando como referente'l refrescu de zume de mazana, que nos años setenta foi perpopular n'Asturies, desendolca una revisión de la so infancia na que la figura del so güelu ye un fiensu perimportante y al empar vemos la tresformación, a lo llargo'l sieglu venti, de la parroquia xixonesa de Somió.
Como ye de vezu, l'autor va tar presentando les sos obres, que van tar a la venta y también va tar firmando exemplares a toles presentes que así lo demanden.
