martes 10 de enero de 2017 - 19h30
Charra: Pola recuperación del Antroxu tradicional d'Uviéu (con Ánxel Nava)
L'ANTROXU D'UVIÉU, LA MAZCARADA ESCAECIDA. ANXEL NAVA
CHARRA Y PRESENTACIÓN DEL PROYEUTU DE RECUPERACIÓN DEL ANTROXU TRADICIONAL D'UVIÉU POR PARAÍSO LOCAL CREATIVO.
L'artista Ánxel Nava va falar nel Llar La Llegra de los datos que vien investigando sobre l'Antroxu d'Uviéu, a partir de la obra d'Evaristo Valle y la so rellación coles mazcaraes d'iviernu n'Asturies. Un coleutivu de persones en Paraíso Local Creativo tán trabayando por recuperar la memoria del antroxu na nuesa ciudá. Una mazcarada escaecida, prohibida pol franquismu que quieren recrear a partir de personaxes como la destrozona, la rollona o los zaparrastros, faciendo una comparsa pa correr l'Antroxu 2017 peles cais del barriu Antiguo. Tán faciendo llabor de campu, entrevistando informantes, y van abrir talleres pa estudiar y crear los disfraces, les mázcares, los personaxes, los bailles, les comedies, les coples, la música, los aguinaldos y los platos tradicionales. Un proyectu artísticu, etnográficu, social y festivu qu'algamó'l sofitu de Faciendo Ciudá por votación popular. L'enfotu ye sumar xente pa da-y vida a esta fiesta, compartila con asociaciones culturales y vecinales, el pequeñu comerciu y los chigres del barriu, faciéndola los verdaderos díes del Antroxu: Xueves de comadres, sábadu frixueleru, domingu larderu, llunes gordu y martes d'antroxu. Animáivos a acerados y recuperar esti añu l'Antroxu tradicional d'Uviéu.
