Comentar (0)EnviariCalCompartir

jueves 19 de enero de 2017 - 19h30

Proyeición Documental Maximino Roda - Niño de la Guerra

El golpe d'estáu del xeneral Franco, y los sos cómplices, en xunetu de 1936, acarretó consigo non yá la muerte de cientos de miles d'homes y muyeres nos pueblos del estáu, mientres los trés años que duró la guerra, traxo tamién una posguerra caracterizada, primero, pola miseria y la fame y siempres por una represión que duró hasta'l final de la dictadura.

En 1937 dende'l bandu republicanu, decidiose abellugar a más de trenta mil neñes y neños con edaes entendíes ente los cinco y los quince años a Francia, Bélxica, Gran Bretaña, Unión Soviética, México, Suiza y Dinamarca que fueron los países d'acoyida d'aquellos menores.

Maximino Roda Zarabozo de 12 años, salió xuntu colos sos cuatro hermanos, más pequenos dende Villamayor (Piloña) n'Asturies, haza la Unión Soviética.

Xixón, Le Havre, Southampton, Kronstadt, Leningrado, en barcu y depués Moscú, nuevamente Leningrado, y la II Guerra Mundial, el llagu Ladoga, y la llucha contra'l nazismu.

La hestoria de Maximino ye la hestoria de casi trenta y cinco mil
neñes y neños del estáu español que tenemos la obligación de conocer... y de nun escaecer.

Una vegada más visitaranos Luis Felipe Capellín, autor y creador d'esti documental que tará presentando la mesma, además de aldericando coles persones asistentes.

TRAILER

https://www.youtube.com/watch?v=wHFab_T1chU

Tus comentarios

Información adicional y comentarios de los visitantes del sitio

Tus comentarios

Be the first to comment