Axenda Mazucu

Güei xintamos con Red de madres sin red.

Comida de confraternización col colectivu Red de Madres Sin Red, Asturies. Onde conoceremos un poco meyor la so xera y el trabayu que tan faciendo en solidaridá coles persones refuxaes.
Preciu de la xinta: 3 Euros. (Ensin bebida).Los beneficios van dir pal colectivu convidáu.
Apúntate nesti eventu, Organizado por La Semiente
CSA La Semiente. Trv La Calle Nueva nº 1 L'Entregu.
Esti sábadu 21 de xineru, celébrense per tol territoriu de la Unión Europea una riestra d'actividaes y movilizaciones escontra'l CETA y por estensión escontra'l TTIP y'l TiSA. N'Asturies tenemos una movilización n'Uviéu a les 12:30 a la que munches compañeres de La Semiente nun vamos poder dir, ya que tenemos un compromisu col colectivu Madres Sin Red, Asturies. Nun ye la finalidá d'esta xinta-charra ser una aición descentralizada escontra'l CETA porque'l so perfil ye'l duna actividá más de les que faemos dende La Semiente, pero los problemes de los que vamos charrar nesta comida, los problemes a los que s'enfrenta'l colectivu convidáu, nun son mas qu'otres consecuencies mas del neolliberalismu y el mercantilismu col que los poderosos traten al planeta y a la humanidá, nun ye otra cosa qu'otru aspectu más de les consecuencies del Sistema Capitalista. Por ello ye qu'animávovos tanto a tar n'Uviéu, como sinon, a pasar pela Semiente y faer un poco tertulia alredor dun platu cola xente de Red de Madres Sin Red.
Vémonos.