viernes 24 de febrero de 2017 - 19h30
Mesa Redonda "Economia Rural ¿Una alternativa de futuru?
El prósimu vienres 24 de febreru, a les 19:30 h, (con rigurosa puntualidá) el Centru Social Autoxestionáu La Semiente entama una charra-alderique que baxo'l nome "Economía Rural, ¿una alternativa de futuru?", pretende reflexonar sobre les posibles salides a la situación d'aguaño na que l'ausencia d'alternatives, xunía a una desindustrialización brutal y la non rexeneración de texíu económicu, ta poniendo nuevamente nel mapa la posibilidá de vivir y trabayar nel mediu rural.
N'Asturies el Mundu Rural siempre tuvo presente, y prestaríanos reflexonar sobre si de verdá pue ser una salida a esta situación. Pa ello vamos cuntar con dalgunes persones que tan apostando n'esti xacíu y queremos que nos cuenten la so esperiencia, lo guapo y lo feo, les facilidaes (si les hai) y les dificultaes.
Pa ello, vamos cuntar cola presencia de:
-Lorena Veiga Montes (xerente del proyectu "Con Raiz"). Sector Agroalimentariu.
-Representante de la Asociación Asturiana de Criadores de Gochu Asturcelta. Sector Agroalimentariu.
-Representante de la Cooperativa "El Maeral de Mieres". Sector Forestal.
-Mario Fernández Suárez (comuneru "Güerta Escuela La Llera"). Sector Educativu.
-Mª Jesús Alonso Blanco (xerente "Programa Leader" Alto Nalón).
Too ello moderao por Astor Llaneza, miembru de La Semiente.
Dempúes de les intervenciones habrá un alderique onde poder intercambiar opiniones y ver si somos capaces d'algamar dalguna rempuesta.
Organizado por La Semiente