Axenda Mazucu

II Conceyón Abiertu de la Llegra

Depués de la esperiencia perpositiva del I Conceyón desarrolláu l'añu pasáu, dende La Llegra convocamos de nueu una xornada que mos va servir pa paranos a reflexonar, aldericar, facer autocrítica, y en definitiva siguir avanzando, meyorando, y medrando como espaciu.

Nesti II Conceyón, amás de tratar cuestiones venceyaes al día a día del espaciu físicu, tamién habrá tiempu pa falar del nuesu espaciu políticu y el so proyeutu: valorar la so evolución dende'l I Conceyón, y afitar los pasos a siguir d'equí p'alantre.

Esti II Conceyón ta abiertu a la participación y les aportaciones de toes aquelles persones interesaes: La Llegra ye un espaciu fechu por toes, y que precisa de toes, polo qu'animamos a acudir y apurrir cuantos más graninos de sable.

La xornada tendrá la estructura que más abaxu s'especifica col programa.

*En casu de querer quedar a xintar avisar nel eventu o por mensaxe priváu.

PROGRAMA

10h-11h---->INTRO/CALENTAMIENTU
Revisar y reflexonar sobre la funcionalidá y necesidá d'estos espacios de debate.
Del Conceyón I al Conceyón II.

11h-14.30h---->PRIMERA PARTE: XESTIÓN DEL ESPACIU

1- Xestión del Llar (11h-12.30h)
-Modelu d'actividaes: aprovechamientu del espaciu, apertura del mesmu a nuevos axentes, innovación n'actividaes (charres, talleres, formación interna..)
-Xestión física del espaciu: llimpieza, obres, díes d'apertura..
-Financiación: xestión (ayalguería), campaña socixs, nueves idees d'autofinanciase..

2- Xestión rellacional (12.30h-14.30h)
-Democracia interna: toma de decisiones, dinámica de los conceyos, compromisos, horizontalidá, roles y rellaciones de poder..
-Participación: modelu d'organización y distribución de responsabilidaes. Estructura Formal del Grupu.
-Participación Virtual: canales de comunicación alternativos al presencial. Pros y Contras.
-Roles de Xéneru.
-Incorporaciones y perdes de compañerxs.
-Resolución de Conflictos: conflictos pasaos/conflictos futuros. Protocolu/Comisión.

14.30h-16h----> XINTA Y CAFÉ

16h-19.30h---->SEGUNDA PARTE: ANÁLISIS POLÍTICU

1-Valoración de la aportación del espaciu físicu-políticu (16h-17.30h)
-Asturies
-Uviéu
-Barriu

2-Proyectu/Propuesta (17.30h-19.30h)
-Izquierda Soberanista en clave de movimientu: ¿Qué espacios tenemos?¿cuáles falten?¿cómo xetionamos les multimilitancies?
-Espaciu físicu/políticu.
-Barrionalismu.

19.30h-20.30h----> DESPEDÍA: CIERRE Y CONCLUSIONES