Axenda Mazucu

MANIFESTACIÓN: 1º DE MAYU

MANIFESTACIÓN: 1º DE MAYU, 12:30 H, PLZ L'HUMEDAL, XIXÓN.

Esti 1º de Mayu nun puede ser unu más… tién que ser el primer día d'otros munchos de llucha y reivindicación coleutiva. Dexáronnos ensin opción, y güei, lo mesmo que fae 130 años, tenemos que nos revolver escontra un mundu desigual, escontra la explotación, escontra la miseria, escontra la barbarie… Ye tiempu de lluchar escontra la tiranía del sieglu XXI.

Ye necesario dalgo más que amosar la nuesa almiración y respetu, ún o dos díes al añu, hacia los homes y muyeres que fae más de 100 se rebelaron escontra les y los tiranos del sieglu XIX y primeros del XX. Tenemos que garrar el testigu, dexar de pensar individualmente, dexar de dicir que ye imposible, y recordar que oxetivos que anguañu paecen un suañu ficiéronse realidá fae más de 100 años, y volverán a convertise en realidá si somos quien a salir d'esti llargu lletargu y plantá-y cara a la tiranía que tamos dexando que mos arrampuñe los derechos que tanto costó conquistar.

Nun val namás con resistir, hai que llanzase a ganar y pa ello tenemos que garrar concencia coleutiva, axuntar fuerces, organizales y afitar oxetivos que mos lleven hacia otra organización social. Llimitase a resistir ye amorriar selemente, ye un camín seguru hacia la derrota. Ya dimos demasiaos pasos p'atrás, ye hora de garrar puxu.

NUN TE CONFORMES, PARTICIPA, LLUCHA, ACUDI A LA MANIFESTACIÓN DEL PRIMERU DEL 1º DE MAYU EN XIXÓN.

-Escontra la Reforma Llaboral, que abarató'l despíu, aumentó'l paru, precarizó, tovía más, el trabayu y afitó les bases pa cargase la negociación coleutiva, imponiendo l'individualismu y la indefensión.
-Escontra la reforma de les pensiones, que les devaluó y que obliga, a quienes puedan, a xubilase a los 67 años.
-Escontra los retayos en sanidá, educación y servicios sociales.
-Escontra les privatizaciones.
-Escontra la migración forzada, la represión, les guerres, les fronteres y los xenocidios.
-Escontra'l terrorismo capitalista, machista, lgtbfóbicu, racista y facista.

TIEMPU DE LLUCHA TIEMPU DE NÓS!!

1°DE MAYO: NADA QUE CELEBRAR. TODO POR GANAR.

Otra vez el 1º de Mayo, una nueva jornada para recordar a quienes hace 131 años, perdieron la vida mientras luchaban por un mundo justo y libre de la explotación, así como sus reivindicaciones, tan vigentes ahora como en el S.XIX.
En aquellos momentos, el movimiento obrero internacional peleaba por conseguir una jornada laboral de 8 horas diarias, hoy día casi ni por esas, al menos en España.
Se presenta como siempre, una jornada festiva a la que se suman desde medios a comunicación a partidos y sindicatos. Nosotros nos preguntamos por qué.
En 1886, la reivindicación de las 8 horas estaba sobre la mesa y se tradujo en la lucha del millones de obreros que además, sufrieron por ello la represión y la muerte. De ahí el origen de esta fecha.
En 2017, las 8 horas de trabajo no existen. O se trabaja 0 horas o se realizan jornadas laborales maratonianas. No hay contratos, no hay convenios. Las vejaciones, esclavismo e intimidaciones en el trabajo están a la orden del día. No hay viviendas aunque abunden casas vacías. La represión, al igual que hace 130 años, está cada vez más presentes con decenas de activistas en las cárceles y miles de personas que sufren las multas en sus bolsillos.
¿Qué hay por tanto que celebrar? Nada, absolutamente nada, porque nuestra época se asemeja más al S.XIX de lo que pudiéramos imaginar.
Por eso la respuesta tiene que ser la misma de entonces: levantar la cabeza y pelear por conseguir unas condiciones de vida y un mundo mucho más libre y justo y para ello solo queda un camino, abandonar las festividades e impulsar 1º de Mayo como los de antes, de protesta y subversión. 1º de Mayo que impulsen y recojan las luchas diarias y cotidianas contra la explotación y el robo de nuestras vidas.
Si sufrimos la explotación, el esclavismo, las miserias de capitalismo y la represión ¿Qué tenemos que celebrar?
Si no tenemos nada que celebrar y lo tenemos todo por ganar ¿Por qué no empezar ahora?
A las 12:30 manifestación unitaria en la Plaza del Humedal
a las 19:00 pasacalles contra el esclavismo laboral y la especulación urbanística en el Solarón.

Bloque Soberanista na mani del 1u de mayu .Organizado por Lluchando Pola Soberanía

Un 1u de Mayu más, la clase obrera asturiana torna a tener milenta motivos pa reivindicar, reivindicase, y siguir lluchando por da-y la vuelta a un presente nel que nun mos ufren más que precariedá, probitú y falta de perspeutives pa una vida digna nel nuesu país.

Los niveles de paru siguen siendo perimportantes a nivel xeneral, y especialmente pa una mocedá que sigue condergada a la emigración forciada. Por si esto fuere poco, cada vegada son más los retayos en prestaciones sociales, na escuela o na sanidá pública, al tiempu que la brecha salarial sigue representando bien claro la discriminación carecía poles muyeres pol fechu de selo.

Pero nun ye tiempu de cayer nel pesimismu, sinon d'identificar la realidá y construyir rempuestes coleutives pa da-y la vuelta a la situación a la que mos conderga'l capitalismu y el patriarcáu que surden de les instituciones monetaries internacionales: nós creyemos que nun hai meyor manera pa facelo que salir a la cai, a lluchar y a facer visible qu'un añu más sigue habiendo una Asturies obrera que nun se da y sigue lluchando.

Ye por ello que dende #LluchandoPolaSoberanía entámase un añu más bloque soberanista na manifestación entamada por CSI, CXT, CNT y SUATEA, a les 12:30 hores dende la Plaza L'Umeral de Xixón, treslladando un mensaxe empobináu a la necesidá de la llucha obrera, pero al mesmu tiempu señalando tamién la importancia de que les alternatives les construyamos dende Asturies y p'Asturies, fuxendo de discursos, igües o proyeutos que vengan prefabricaos dende fuera y nun atiendan a la realidá concreta del nuesu pueblu, asina como fuxendo tamién del sucursalismu, la sumisión y l'ausencia de polítiques propies, que lleva esperimentando Asturies dende va cuantayá.

Facemos un llamáu a les trabayadores asturianes a la organización, a nun dase énte les estorsiones de la patronal y a texer redes de llucha y solidaridá. Ente la individualización estrema promovida pol sistema, hemos de saber que nun tamos soles, los nuestros problemes son los mesmos que los de tanta xente cola que tenemos d'axuntanos, compartir esperiencies, amosar solidaridá y organizar lluches. Un llamáu a resistir pero tamién a construyir alternatives a la esplotación.

A los sindicatos de clase desixímos-yos que sigan siendo un preséu al serviciu de les trabayadores y seyan una ferramienta de lliberación social, pa lo cual n'Asturies ye preciso nun escaecer la opresión nacional del nuestru pueblu.

Al soberanismu, a la militancia, a les simpatizantes, enfotu pa nun desdexar nenguna llucha, amosar con arguyu el calter obreru de la nuestra reivindicación nacional y treslladala a tolos àmbitos de llucha. Participar na llucha por una Asturies llibre dende cada puestu de trabayu.

P'acabar coles problemátiques que carecemos como clas trabayadora, precisamos de l'autoorganización, de la llucha, de tresformar la realidá del nuesu país. Nós tenémoslo claro: ¡Organízate y llucha cola Asturies obrera!

Bloque antiespecista - Manifestación 1 de mayu - Xixón,Organizado por Asturies Lliberación Animal

Nel primeru de mayu hai que recordar con espolín y odiu de clas a quienes morrieron per un mundu meyor, llibre de toa opresión y esplotación de clase burguesa, onde la igualdá fora daqué apalpable dafechu.
Los años pasen y sigue'l capitalismu, dirixíu yá sía pol lliberalismu y dempués pola etapa histórica neolliberal que pasamos, onde se perfeicionó esta máquina de destrucción y espoliación de la tierra, especies animales incluyíes (toles especies somos oxetu d'esplotación).
Un sistema d'esplotación y muerte que promueve la esplotación de la especie humana penriba de les demás, sían de la especie que sían, onde les oprimíes de clas pasen a ser opresores d'especie; esa ye la realidá, ver o non, oxetivamente ye asina.
Como especie humana manifestámonos contraries a la esplotación de clase, pero caltenemos, como tal, un status d'opresión, represión y muerte sobre les demás especies animales y el planeta, al consumir lo producío por esti sistema basáu en dos tipos d'opresión: una que ye económica, llamada CAPITALISMU y otra sobre determinaos valores namái aplicaos pa la nuesa especie, que ye'l ESPECISMU.
Al traviés d'esti panfletu pretendemos facer visible una llucha que tamién tien calter revolucionariu, dexando delláu reformismos y ciertos aspeutos conservadores, rancios y hasta reaccionarios cuando se fala de lliberación animal, veganismu, yá que son términos demasiao amasuñaos nel nuesu día a día.
Quienes tenemos en vista un mundu nuevu, mirámoslu col cristal de quien nun puede defendese, ensin ser salvadores de naide nin nada, namái faciendo visible lo qu'estos dos sistemes despíntennos na nuesa vida cotidiana. Lo que queremos ye alloñanos d'un consumismu veganu-capitalista porque reproduciría'l sistema capitalista mesmu y la nuesa intención ye dar otros valores de vida.
Asina, como'l sistema perfeicionó la esplotación y los aparatos ideolóxicos, tenemos de reforzar actitúes y discursos onde incluyan a otres formes d'opresión que nun se tienen en cuenta na nuestra vida cotidiana, como ye l'ESPECISMU.

¡POR UN PRIMERU DE MAYU ANTIESPECISTA!
¡ESCONTRA L'ESPECISMU LA PATRONAL YA'L CAPITAL,
LLIBERACIÓN ANIMAL!