lunes 29 de mayo de 2017 - 9h30
Concentración valió de falses autónomes
CONCENTRACIÓN LLUNES 29 DE MAYU A LES 9:30
ENTE LOS XULGAOS DE LOS SOCIAL D'UVIÉU
En solidaridá cola compañera que denuncia a SERALAB (llaboratoriu d'análisis clínicos) reclamando la diferencia salarial que-y correspuenda, dempués de qu'Inspección de Trabayu comprobara la so condición de FALSA AUTÓNOMA.
En setiembre del 2015 la compañera empieza a trabayar na empresa con un contratu de prestación de servicios, dándose d'alta nel reximen de trabayadores autónomos, cola promesa de meyorar les sos condiciones en seis meses. Esta meyora materializaríase, ente otres cuestiones, con un contratu por cuenta ayena. Pasaos esos meses, en xineru del 2016, cuando la compañera desixe lo apalabrao atopa la carta de despidu. Despidu llibre y gratuitu pa la empresa, dempués de
rentabilizar el trabayu de la compañera cuando lo precisaba.
Interpón denuncia n'Inspección de Trabayu reclamando la so condición de falsa autónoma cola fin de recuperar los derechos que-y correspuenden como trabayadora asalariada que yera realmente. N'abril de 2016 Inspección de Trabayu comprueba que la trabayadora ye una FALSA AUTÓNOMA consiguiendo asina la cotización de los meses trabayaos como trabayadora por cuenta ayena, dentro del Reximen Xeneral de la Seguridá Social.
Nesti momentu reclamamos la diferencia salarial respectu al conveniu pol que tendría de tener cobrao con un contratu llegal.
Dende la CSI entamamos la campaña Valió de Falses Autónomes pa visibilizar una situación cada vegada más alarmante y faer una denuncia publica con tres oxetivos: señalar a les empreses que s'aprovechen, desixir responsabilidá a unes alministraciones que lo consienten, y, sobretoo, sofitar a les trabayadores que lo sufren. Unes trabayadores que sufren la precarización estrema del trabayu: ensin baxa llaboral, vacaciones nin paru y munches vegaes ensin saber que tan soportando una situación illegal.
Aprovéchense de la dificil situación qu'atraviesa la clase obrera, especialmente la mocedá, pa precarizar cada vez más les nuestres vides. Piensen que tienen carta blanca pa faer lo que quieran. Pero nun tamos soles, vamos demostra-yos que tán equivocaos y lluchar polos nuestros derechos.
VALIÓ DE FALSES AUTÓNOMES!
