Comentar (0)EnviariCalCompartir

viernes 13 de octubre de 2017 - 19h

Día de la Mocedá Revolucionario 2017: Actividaes

Un añu más llega'l DMR, y esti añu entamará'l vienres 13 con una proyeición y alcuentru-homenaxe con Maximino Roda (neñu de la guerra y combatiente del Exércitu Roxu) dende les 19:00 nel Llar La Llegra.

Siguimos presentando les actividaes d'esti DMR 2017,nesti casu la correspondiente al vienres 13 d'ochobre nel Espaciu La Llegra: a les 19:00 va proyeutase'l documental de Luis Felipe Capellín "Maximino Roda niño de la guerra", y de magar les 20:00 vamos cuntar col propiu Maximino, que mos desplicará les sos esperiencies.

Maximino Roda foi ún de los "neños de la guerra", qu'en 1937 colaron d'Asturies rumbu a la URSS: los "refuxaos" d'aquella época. Yá na URSS, participó nel Llagu Ladoga como voluntariu del Exércitu Roxu, clave pa la defensa de Leningrado.

Con too ello, conxugamos la memoria hestórica de la llucha antifacista nel nuesu país, asina como na Unión Soviética, nel centenariu de la so proclamación.

El sábadu 14, la xornada va entamar a les 12:00 na Plaza'l Paragües, onde un añu más l'internacionalismu va tener el so espaciu: les delegaciones xuveniles desplazaes a Asturies van aldericar con nós y cuntar les sos perspeutives y esperiencies alrodiu'l turismu, asina como les sos problemátiques y consecuencies pa nós, la mocedá. Darréu, na mesma plaza, xinta popular, na qu'encamentamos a la inscripción previa en darreuex.moceda@gmaiexl.com.

Pela tarde, a les 17:00, ye turnu pal ochobre'l 34 dende una perspeutiva hestórica. Adrián Gayo, de la Fundación Juan Muñiz Zapico, va tar al frente d'un percorríu hestóricu pelos principales escenarios de la revolución, con entamu na propia plaza.

Yá pa rematar la xornada, a les 20:00 ábrense les puertes de la Sala Sir Laurens pal XIV Asturies Nun Escaez, con Kaos Urbano, Skontra, Ochobre y Los Monstruitos (8 anticipada, 10 taquilla).

Organizado por Darréu Mocedá d'Izquierda Soberanista

Tus comentarios

Información adicional y comentarios de los visitantes del sitio

Tus comentarios

Be the first to comment