domingo 5 de noviembre de 2017 - 18h
Concentración:Valtemos l'artículo 155 cola movilización popular
CONVOCATORIA UNITARIA URXENTE
DOMINGU, 5 DE PAYARES, 18H.
PLAZA LA ESCANDALERA, UVIÉU.
¡Valtemos l'artículu 155 cola movilización popular!
Asturies pol Derechu a Decidir -plataforma qu'axunta a coleutivos que vienen manifestándose dende hai selmanes a favor de les llibertaes civiles, contra'l réxime del 78 y pol derechu a decidir de los pueblos- fai un llamáu a salir a la cai esti domingu (18h, Plaza la Escandalera, Uviéu) pa refugar los fechos que tamos viendo nos últimos díes en Cataluña.
El gobiernu de Mariano Rajoy, al frente d'un Partido Popular al que la fiscalía-y atribúi'l ser una organización criminal con una trama de financiación illegal masiva, ta aplicando col sofitu del PSOE y de Ciudadanos un artículu 155 basáu en desaniciar l'autonomía de Cataluña, meter presos y preses a les sos representantes polítiques y, al tiempu, encarcelar a activistes d'entidaes cíviques como Jordi Cuixart y Jordi Sánchez. Los tambores de guerra, a los que tamién se suma la monarquía, yá llamen a les clares a illegalizar partíos y opciones polítiques concretes, polo que consideramos que nesti momentu hemos salir a la cai a refugar l'avance aceleráu hacia'l totalitarismu del réxime políticu del 78.
Ye hora de desixir la llibertá de les persones encarcelaes y el fin de l'aplicación del artículu 155.
Ye hora, tamién, d'ufrir un relatu alternativu al que nos venden tolos medios de comunicación de mases, enrocaos en defensa del réxime y la monarquía.
Poles llibertaes civiles, los procesos constituyentes en tolos pueblos del estáu y el derechu a decidir sobre les nueses vides: ¡soberanía popular!
Non a la represión. Non al 155. Asturies con Cataluña. ¡Llibertá presos politicos!
https://m.facebook.com/story.php…
