sábado 18 de noviembre de 2017 - 11h
Mercau Social de Nava
Buenes xente,
Esti sábadu hai que madrugar p'aprovechar la mañana:
Va haber taller pa reparar bicis asina que podéis traer la vuestra pa ponela a puntu! La banda sonora van ponela "Nuestras raíces", dos hermanes arxentines que canten y toquen mui guapo. Y pa la reciella, como nos últimos mercaos, va haber un espaciu pa enredar que dinamiza la xente d'El Rellugu.
Amás, va tar la compañera Sure col so proyectu de "bombes de semientes" pa repoblar los montes quemaos del occidente d'Asturies. Asina ye que vos convidamos a traer semientes de plantes silvestres como'l: llantén, trébol, hipéricu, oríeganu, mil en rama... y de tou tipu d'árboles autóctonos: bedul, fresnu, nozal, castañar, ablanu, carbayu...
Sure va llevar l'arcilla y la tierra, amás d'un montón de semientes que yá fue recoyendo pel camín, pa facer delles bombes de semientes "in situ". Si vos apetez colaborar cola iniciativa, veníi preparaes pa manchar les manes de tierra😊
Promete ser otru día guapu de mercáu.
P.D. Vamos echar en falta Ana Milia y Ricardo, de La Naveta, que siempre cuiden de nós como si tuviéremos en casa.
https://www.facebook.com/events/1833887955484…
