sábado 25 de noviembre de 2017 - 13h
Folixa Aniversariu Sestaferia y Picu Rabicu
El sábadu 25 de payares entamamos la folixa d'aniversariu de los dos proyeutos autoxestionaos con más solera nel barriu. Son 14 años ya los que llevamos per equí, y 19 los que cumplen les collacies de Picu Rabicu Pa cellebralo, taremos dende les 13 hores y tou el día y bona parte de la nueche con un programa con xinta popular 'de traxe', l'actuación de Minerflu pa la xente más mozo, los conciertos de Ún de Grao y los Sestaferia's Musiciens Collacios (una xuntanza de músicos pa esti aniversariu). Los participantes del Taller de creación sonora Hierbabuena van a amosar les sos composiciones y tamién tendremos invitaos abondo pa pinchar y cacharrear cola música. Pa nun pasar sede tamién se pasarán los compas de Cerveza Caleya pa pinchar un barril. Como siempre, la entrada ye de baldre.
