sábado 25 de noviembre de 2017 - 19h30
Proyección:" 12 D'Octubre Cultura De L'odi I Legítima Autodefensa"
Organizado por Centru Social Autoxestionáu La Llume
El prósimu sábadu 25 de Payares a partir de les 19:30 vamos proyectar el documental "12 d'octubre. Cultura de l'Odi i Legítima Autodefensa" de la productora Metromuster.
Nestos díis de Payares d'homenaxes a franquistes, de constantes agresiones fascistes con total impunidá y col conflictu catalán ximielgando los pilares del Estáu español, ta tornando a asoleyase públicamente esa cultura españolista, d'odiu y de cálter fascista, que paecía tar tapecía nos últimos años, aunque munchos de los colectivos sociales tuvíeremos sufriéndola día a día. Faése ca vegada más urxente entamar a reflexonar colectivamente sobre esti problema y buscar les maneres de combatilu sociálmente, si nun queremos que s'esparda pente los nuesos barrios, los nuesos pueblos y la nuesa xente.
Esti documental de la productora Metromuster, reflexiona sobre la lexitimidá de l'acción directa pa face-y frente al fascismu. Pa ello fa un análisis d'esta cultura d'odiu, de racismu,de los estaos nación y de la acumulacion orixinaria, al traviés de la so fiesta nacional del 12 d'Ochobre, el so significáu hestóricu y del casu de seis antifascistes que sedrán xulgaes esti mes de Payares acusaes de daños y lesiones a un grupu de neonazis el 12 d'Ochobre de 2013 en Barcelona. Estes compañeres enfréntense a 17 años de prisión col agravante de "delitu d'odiu".
Dempués del documental habrá tiempu p'aldericar y y reflexionar sobre esti problema. Al acabar podremos seguir un cachín tomando algo, aldericando y de folixa. Los beneficios dirán destinaos a sofitar los gastos xudiciales de les compañeres catalanes. Como siempre, ye una actividá abierta a toles persones y de baldre.
¡TOTES SOM ANTIFEIXISTES!
¡TOES SOMOS ANTIFASCISTES!
ABSOLUCIÓN ENCAUSAES 12 D'OCHOBRE DE 2013
