tema : Proyección
Comentar (0)EnviariCalCompartir

viernes 15 de diciembre de 2017 - 20h

PROYECCIÓN:"EL PRIMER DIA D'OCTUBRE" + ALDERIQUE

PROYECCIÓN EL PRIMER DIA D'OCTUBRE + ALDERIQUE
VIENRES 15 AVIENTU 20:00 H
CSA LA LLUME (XIXÓN)

El prósimu vienres 15 d'avientu a partir de les 20:00 vamos proyectar el documental "EL PRIMER DÍA D'OCTUBRE" producíu dende Catalunya poles compañeres de La Directa y la Agència UO, medios de comunicación independientes, cooperativos y que faen periodismu pa la tresformación social.

A nadie se-y escapa, que'l primeru d'Ochobre d'esti añu, asocedió en Catalunya una de les mayores acciones de desobediencia civil colectiva desendolcaes nesta dómina, non solo dientro'l marcu de los Països Catalans, sinon pa tol estáu español o incluso a nivel européu.
Esto ye un fechu, innegable, al marxe de les posibles discrepancies polítiques que pue haber alrodiu del procés o de los actores políticos que lo llideraben.

Esti documental fae un perrecorríu pelos colexos electorales de Catalunya recoyendo los testimonios de les persones que fueron a votar y a defender el Referéndum del 1 d'Ochobre. desobedeciendo asina a un estáu tan fuerte como l'estáu español y enfrentándos con ello a tol aparatu represivu y mediáticu d'esti.

Por too esto, paeznos perinteresante proyectar esti documental, y sobretoo abrir un alderique posterior, que permita analizar estos mecanismos de desobediencia civil colectiva, a la vez que tender puentes de solidaridá ente pueblos que contrarresten el discursu d'odiu xeneráu sobre esti tema.

Al acabar podremos siguir un cachín tomando algo, aldericando y de folixa. Como siempre, ye una actividá abierta a toles persones y de baldre.

¡Vémonos!