tema :
Comentar (0)EnviariCalCompartir

domingo 17 de diciembre de 2017 - 12h

Xornaes anticonsumistes pa navidá. Que la navidá nun te consuma!

¿Nun sabes qué poner de cena en nuechebona? ¿Agobiáu/ada pola compra de regalos? ¿La Navidá consúmete, máyate y quítate la gana de celebraciones? Estes fiestes son la sida perfecta pa pensar nel consumu responsable d'alimentos, d'oxetos y d'hores de les nuestres vides dedicaes a les compres. Pa eso, nun vamos llamar al espíritu navidiegu nin a la dura crítica anticonsumista. Pensemos que, en cuenta d'apulmonate con datos, cifres y frases contundentes, queremos más compartir ratos de rises y charles. Por eso, dende L'Arcu la Vieya, La Llegra, La Semiente y Cambalache proponémoste unes xornaes onde vamos disfrutar d'espacios y tiempos relaxaos, y prestosos, pa falar del consumu responsable tamién nes fiestes. Comparti con nós un pinchéu de temporada; ven a crear los tos regalos o aldericar alredor d'una comida popular.

Que la Navidá nun te consuma. Xornaes anticonsumistes pa Navidá 15, 16 y 17 d'avientu.

Vienres 15 d'avientu - Cenador popular "menú consciente de Nadal".
Hora: 21:00. Sitiu: L'Arcu la Vieya.

El local social del arcu ta abiertu a quien-y apeteza compartir un ratu con cosines pa picar vexetarianes con productos de temporada. También proyectaremos imáxees y curtios con un mensaxe críticu al consumismu.

Sábadu 16 d'avientu - Taller de regalos anticonsumistes.
Hora: 17:00. Sitiu: La Llegra.

Avérate a falar de les dinámiques consumistes de les navidaes y a diseñar alternatives faciéndoles tu mesma. Xuntes trabayamos nello y repensamos el modelu de consumu y les posibilidaes que nos queden p'afuxir de la norma.

Domingu 17 d'avientu - Espaciu-alcuentru de reflexón + xinta popular.
Hora: 12:00. Sitiu: La Semiente.

"¿Qué más podemos facer depués d'enllenar la cesta?" Xinta popular colos grupos de consumu primero del alcuentru, alderiques y reflexón al rodiu los grupos de consumu y'l so compromisu social, intercambiu d'idees y distintes formes de funcionar col oxetivu d'arriquecenos y siguir medrando.

Hora de llegada a les 12:00 p'aldericar, xintar a les 15:00 y sobremesa pa compartir.

Tus comentarios

Información adicional y comentarios de los visitantes del sitio

Tus comentarios

Be the first to comment