Comentar (0)EnviariCalCompartir

jueves 18 de enero de 2018 - 19h30

Manifestación: Nin el machismu nin la represión van a paranos

Llamamientu a participar na manifestación Acabemos col machismu y toles sos violencies. Y na concentración de sofitu a les compañeres represaliaes por visibilizar la violencia machista.

Con motivu del entamu d'añu Muyeres en llucha organizamos una manifestación de visibilización y denuncia de les violencies machistes. Dende l'ámbitu del emplegu, a la casa, pasando peles instituciones, les cais,… les muyeres sofrimos múltiples violencies sólo por fechu de ser muyeres. Nengún espaciu ye seguru, nin públicu nin priváu, y esto nun va a cambiar si ente toes y toos nun lluchamos pa camudar la sociedá y p'acabar con unos valores machistes manchaos en sangre y basaos nes desigualdaes.

También queremos denunciar la hipocresía del Ayuntamientu de Xixón y de la so alcaldesa, responsable de feminismu de la ciudá, que per un lláu llamen a visualizar la violencia machista pero llueu multen a quienes lo facemos. El día 23 de xineru tendremos el primer xuiciu por la recolocación d'una pancarta contra'l machismu nuna valla de Xixón, sitiu onde más pancartes del propiu ayuntamientu y de partíos políticos fueron también colocaes ensin problemes, pero parez que la nuestra ye la que había que multar. Danos igual porque nin con represión van a conseguir que dexemos de denunciar, lluchar y de poner el nuestru granín d'arena pa construyir una sociedá xusta.

Espubliza y participa na manifestación y na concentración que vamos faer delantre de los xulgaos el día de los xuicios (Día 23 de xineru les 10:30 h, nos xulgaos de Xixón, al llau de la estación de tren).

NIN EL MACHISMU NIN LA REPRESIÓN VAN A PARANOS

Entamen: Mueyeres en Llucha CSI

Tus comentarios

Información adicional y comentarios de los visitantes del sitio

Tus comentarios

Be the first to comment