Axenda Mazucu

Por una cabalgata ensin animales non-humanos

POR UNA CABALGATA ENSIN ANIMALES NON-HUMANOS:
Na tarde nueche del prósimu 5 de xineru, volveremos a ser testigos de la banalización del dolor; de la falta d'empatía; de la insensibilidá de quienes xustifiquen la esplotación animal non-humana y la perpetúen al traviés d'actos como esti.
Nun Estáu que presume de mantener una "sociedá del bienestar", consideramos alarmante que diches situaciones seyan protexíes por parte de les sos alministraciones públiques: sometimientu; estrés; mieu... nun son bienestar. Un ayuntamientu tien que dar exemplu a les sos ciudadanes y non convertise en promotor de la cosificación animal non-humana...
Otres ciudaes del Estáu ya decidieron prohibir l'usu d'animales non-humanos n'espectáculos públicos. Y l'allegría sigue siendo la mesma, sinón mayor, cuando naide ye utilizáu.
Dende A.Ll.A, proponemos una cabalgata ensin la utilización d'animales non-humanos. Una cabalgata ensin esclavos al nuestru serviciu: munchos d'ellos sacaos d'un circu; toos ellos adiestraos de forma cruel escontra la so propia voluntá.
Porque nun queremos tortures o asesinatos menos crueles; nun queremos xaules más grandes.
Queremos que los animales non-humanos nun seyan utilizaos como recursu pal nuestru beneficiu.
Aplicar el VEGANISMU na nuestra vida ye educar y ayudar a otres a facer lo mesmo, ye'l primer y más importante pasu necesariu pa llograr abolir, dende ya mesmo, la esplotación de los animales non-humanos y consiguir la so LLIBERACIÓN TOTAL.

Organizado por Asturies Lliberación Animal