jueves 25 de enero de 2018 - 19h30
Problemática del Plumeru y otres plantes invasores.
Charra: La problematica del Plumeru y otres plantes invasores. A cuenta del tecnicu ambiental Ignacio Martinez. Xueves 25 a les 19:30H
Esti xueves día 25 a les 19:30H el técnicu ambientalista Ignancio Martinez va dar una charra nel Centru Social Autoxestionáu La Semiente sobro la problemática del Plumeru la Pampa y otres plantes invasores. N'ocasiones, delles especies animales y vexetales procedentes d'otros llugares del planeta estropien, de manera irreversible a les mesmes de llugar. Por cuenta de la so gran capacidá d'adaptación puen atopar un mediu apropiáu pa subsistir, lo cual convirtióse nuna amenaza que pue favorecer la estinción de les especies autóctones coles qu'entren en competencia. Non toles especies esótiques puen considerase invasores, namás les que son capaces d'afayase, vivir, competir y reproducise naturalmente n'otru llugar distintu produciendo nesti procesu un efectu negativu sobro'l mediu y sobro les especies locales. Eso ye lo que ta pasando con La Herba la Pampa o Plumeru la Pampa que tantu medró la so presencia nesta última década en Asturies y Cantabria y que yá ta bien asitiada en Llangréu y amenacia con espandese valle pa riba. Sobro les sos consecuencies y sobro les distintes midíes a tomar pa la so erradicación o frenar el so espoxigue va falase esti xueves en La Semiente.