lunes 26 de marzo de 2018 - 19h30
Concentración pol derechu a decidir y les llibertaes civiles
¡Cataluña nun tas sola!
Dende Asturies pol Derechu a Decidir facemos un llamáu urxente a salir a la plaza l'ayuntamientu d'Uviéu esta tarde, a les 19.30h, en sofitu al pueblu catalán énte la enésima ofensiva xudicial, policial y política del estáu escontra representantes escoyíes democráticamente que son deteníes o obligaes a exiliase por poner urnes pa que'l pueblu s'espresare llibremente.
Pola puesta en llibertá de les preses polítiques. Pola vuelta de les exiliaes. Pola democracia y el derechu a decidir de los pueblos. Escontra la corrupción, la falta de democracia y la represión.
Mentanto'l gobiernu indulta a corruptos, dexa llibres a condenaos por robar lo de toes y retaya los nuesos derechos sociales, sigue faciendo por encarcelar y reprimir cualquier protesta social: tuiteros/es, raperos, sindicalistes, feministes...
Esiximos que los problemes políticos s'igüen política y democráticamente. Porque güei van a poles catalanes pero mañana van dir escontra cualquier tipu d'oposición o protesta social.
¡Valió de represión!
¡Llibertá preses polítiques!
