Axenda Mazucu

ASTURIES Y EL SO MODELU D'OFICIALIDÁ: LES LLINGÜES COMO BIEN COMÚN

CONFERENCIA D'ÁSTURA'L VIENRES 18 DE MAYU:
JOSÉ MANUEL PÉREZ FERNÁNDEZ, PROFESOR TITULAR DE DERECHU ALMINISTRATIVU Y LLETRÁU DEL TRIBUNAL CONSTITUCIONAL FALARÁ D'UN MODELU D'OFICIALIDÁ P'ASTURIES.
ATENÉU OBRERU DE XIXÓN. 19:30 HORES.
Cai Cuadonga, 7, 1º.

Organizado por Ástura
----------------------------------------
Baxo'l prestosu títulu de «ASTURIES Y EL SO MODELU D'OFICIALIDÁ: LES LLINGÜES COMO BIEN COMÚN» esti mes de mayu vamos alleganos, ensin complexos, a ún de los patrimonios más importantes d'Asturies: la llingua y la so marxinalidá xurídica. Asturies vive una situación desapareyada, anómala, en cuanto al tratamientu xurídicu de les sos llingües propies y, poro, na reconocencia de derechos llingüísticos a los falantes tantu del asturianu como del gallego-asturianu. Diz l'art. 3.2 CE que les demás llingües, amás del castellán, van ser oficiales acordies con los sos Estatutos d'Autonomía; sicasí, n'Asturies solamente'l castellán gocia del estatus d'oficialidá. Fálase ya escríbese enforma sobro la oficialidá, sobro'l so conteníu y los sos efectos, sobro los sos beneficios y los sos escesos, pero munches vegaes trátase d'un alderique llenu de prexuicios, contamináu polo acaecío n'otros territorios.

L'oxetu d'esta conferencia ye tratar d'arrefundiar un pocu de lluz sobro esta cuestión. Esclariar conceutos -llingua oficial, llingua común, llingua propia-, afitar les consecuencies mínimes que remaneceríen d'una declaración d'oficialidá, y amosar que nun esiste un modelu únicu d'oficialidá. Como sociedá comprometida colos derechos y llibertaes, los asturianos y asturianes tenemos que ser quién a diseñar un modelu de convivencia llingüística que garantice la igualación de derechos, al ritmu que pida la mesma sociedá, pero con un compromisu seriu y continuu de los poderes públicos p'algamar esa igualación. La normalización de la situación xurídica del asturianu y del gallego-asturianu nun ye una batalla escontra'l castellán y los sos falantes, sinón que ye una llucha frente a la irracionalidá que quita a dellos ciudadanos y ciudadanes de los sos derechos llingüísticos. Tenemos el retu d'atopar un modelu de convivencia llingüísticu-social que dea cabida a toos; el nuesu modelu, l'asturianu, el de la nuesa casa común.

----------------------------------------

JOSÉ MANUEL PÉREZ FERNÁNDEZ graduose en Derechu en 1987 y llogró'l Doctoráu en Derechu, con premiu estraordinariu, en 1997 (Universidá d'Uviéu).
• Dende 1999 ye Profesor Titular de Derechu Alministrativu na Universidá d'Uviéu.
• En marzu de 2016 foi nomáu Lletráu del Tribunal Constitucional (Servicios Especiales).
• Ye autor de más de setenta espublizaciones sobro Ordenación del Territoriu y Urbanismu (urbanismu comercial, fenómenos d'espardimientu y rexeneración urbana, sostenibilidá), Derechu Alministrativu Español y de la Xunión Europea (ordenación de sectores económicos; llibertaes comuñales y accesu al mercáu; tresposición de directives), y Diversidá Cultural y Llingüística. Col so trabayu «Réxime xurídicu del turismu rural», ganó en 2001 el Premiu Tribuna FITUR «Jorge Vila Fradera» al meyor trabayu nel ámbitu del turismu n'España y Llatinoamérica. La Comisión Nacional Evaluadora de l'Actividá Investigadora (CNEAI) valoró positivamente dos periodos d'actividá investigadora (1998-2003 y 2006-2011).

Impartió cursos y conferencies sobro los sos campos d'investigación en distintos foros académicos y profesionales, tantu nacionales como estranxeros (Francia ya Italia). Amás, desenvolvió estancies d'investigación y collaboró como profesor visitante n'universidaes estranxeres (Toulouse, Pisa, Trieste y Siena). Nos últimos años (2000-2014) y nel marcu del Conveniu de Collaboración suscritu ente'l Principáu d'Asturies y la Universidá d'Uviéu, combinó'l so llabor docente ya investigador col d'asesoramientu al Gobiernu del Principáu d'Asturies en materia d'ordenación del territoriu y urbanismu, sectores económicos (turismu, comerciu interior y emprendimientu) y sectores regulaos (telecomunicaciones). Foi miembru del Conseyu Asesor de Comerciu y del Conseyu Asesor de Turismu del Principáu d'Asturies.

FORMACIÓN ACADÉMICA Y SITUACIÓN PROFESIONAL
- 1997: Doctor en Derechu, Universidá d'Uviéu
- 1999: Profesor Titular d'Universidá de Derechu Alministrativu
- 2016: Lletráu del Tribunal Constitucional (Servicios Especiales).

AFILIACIONES
- Direutor «Seminariu d'Estudios de Comerciu d'Asturies: Asesoramientu Integral del Sector Servicios» (2005-2015).
- Miembru del Grupu d'Estudios Xurídicu-Sociales sobro Territoriu y Desenvolvimientu Sostenible.
- Miembru del Sistema d'Información Turística d'Asturies.
- Miembru d'Asociación Española de Profesores de Derechu Alministrativu.u de l'Asociación Española d'Espertos Científicos en Turismu.
- Miembru de la Sociedá Iberoamericana de Derechu del Turismu-Ibero American Society of Tourism Law.
- Espertu evaluador de l'Axencia Nacional d'Evaluación y Prospectiva.
- Miembru del Comité de Redacción de la Revista d'Analís Turísticu.
- Corresponsal de les revistes: Revista Llengua i Dret («Crónica d'Asturies»), Revista Catalana de Dret Ambiental («Derechu y polítiques ambientales n'Asturies» y «Xurisprudencia ambiental n'Asturies») (hasta 2015).
- Evaluador de les revistes: Revista Española de Derechu Européu (REDE); Revista d'Estudis Autonòmics i Federals; Revista Patrimoniu Cultural y Derechu; Revista d'Analís Turísticu; ANOVAR Journal (Universidá Nacional de Colombia).
- Vocal del Conseyu Asesor de Comerciu del Principáu d'Asturies (2004-2015).
- Vocal del Conseyu Asesor de Turismu del Principáu d'Asturies (2012-2015).
- Patronu de la Fundación Caveda y Nava (Derechos Llingüísticos), güei desaniciada.
-Abogáu (Colexáu nº 92563, Ilustre Colexu d'Abogaos de Madrid).

LLÍNEES D'INVESTIGACIÓN
- Derechu Alministrativu Español y de la Xunión Europea: derechu alministrativu económicu; servicios d'interés económicu xeneral; llibertaes comuñales y accesu al mercáu; comerciu interior; turismu; sectores regulaos.
- Ordenación del Territoriu y Urbanismu: ordenación territorial sectorial; derechu urbanísticu; urbanismu comercial y desenvolvimientu urbanu; planificación territorial de los recursos y actividaes turístiques; planificación medioambiental.
- Diversidá cultural y llingüística: Proteición de les minoríes étniques y culturales; Derechos llingüísticos.

ESPUBLIZACIONES SOBRO DERECHOS LLINGÜÍSTICOS
A) Monografíes
2005. El marcu llegal del asturianu: Víes hacia la reconocencia efeutiva de los derechos llingüísticos, Uviéu, Fundación Caveda y Nava.
B) Llibros Editaos/Llibros en cooperación con otros autores
2006. Estudios sobro l'estatutu xurídicu de les llingües n'España, Barcelona.
C) Artículos
2013. "A vueltes col réxime constitucional del plurillingüismu n'España: el retu de tutelar les llingües rexonales o minoritaries estatutaries y non oficiales", Federalismi.it. Rivista di diritto pubblico italiano, comunitario e comparato; núm. 23.
2011. "Linguistic rights of Indigenous Peoples in the States of Latin America", Intercultural Human Rights Law Review, vol. 6.
2010. "La tutela de les llingües rexonales o minoritaries estatutaries y el so encaxe nel modelu constitucional español: ¿un tertium genus na reconocencia de los derechos llingüísticos?", Revista Española de Derechu Constitucional, núm. 89.
2009. "La protection des langues régionales ou minoritaires en Espagne: le statut juridique de la langue asturienne", Opinio Iuris in Comparatione, 2/2009, Paper n.2.
2007. "El réxime xurídicu de la toponimia n'Asturies: lluces y solombres", Llengua i Dret, núm. 48.
D) Capítulos en Llibros
2014. "La catégorisation de la langue asturienne comme «langue régionale, statutaire et traditionnelle»"; en: Identifier et catégoriser les langues minoritaires en Europe occidentale; Maison des Sciences de l'Home d'Aquitaine, Pessac.
2013. "Potencial regulación del estatutu y usos d'otres llingües y modalidaes llingüístiques d'España"; en: Llingües y Constitución española; Tirant lo Blanch, Madrid.
2012. "Article 2. Undertakings and Article 3. Practical arrangements", en: Shaping language rights. Commentary on the European Charter for Regional or Minority Languages in light of the Committee of Expert's evaluation, Regional or Minority Languages, nº 9, Council of Europe.
- "Article 6. Information", en: Shaping language rights. Commentary on the European Charter for Regional or Minority Languages in light of the Committee of Expert's evaluation, Regional or Minority Languages, nº 9, Council of Europe.
2007. "La oficialización de la toponimia y los sos efeutos xurídicos", en: I Xornadas de Toponomia del Eo-Navia, Uviéu.
2006. "Principios del réxime xurídicu llingüísticu: n'especial, l'estatutu d'oficialidá", en: Estudios sobro l'estatutu xurídicu de les llingües n'España, Barcelona.
- "Estatutu xurídicu de la llingua asturiana", en: Estudios sobro l'estatutu xurídicu de les llingües n'España, Barcelona.
- "Normalización y Alministración nos conceyos", en: Xornaes sobro la normalización llingüística nos Conceyos, Xixón,
2005. "Marc legal de la llengua asturiana",en: Vintanys de la Llei d'Ús i Ensenyament del Valencià, Valencia, Bromera, 2005.
2004. "Significáu de la oficialidá de una llingua: unes idees sobre'l mitu de la oficialidá del asturianu y la so obligatoriedá", en:¿Qué ye la oficialidá del asturianu?, Uviéu. Fundación Caveda y Nava.

PREMIOS
- Premiu Estraordinariu de Doctoráu en Derechu 1996/1997.
- Premiu Tribuna Fitur "Jorge Vila Fradera" 2001, al meyor trabayu d'investigación inéditu de turismu n'España ya Iberoamérica.