miércoles 30 de mayo de 2018 - 19h
Charra: "Lluches sociales y represión n'El Rif"
Tres un llargu periodu ensin organizar una charra, CSI-Internacionalistes vuelve a convidavos a una charra-alderique que, como les anteriores, pretende averar estremaes realidaes y lluches sociales y sindicales n'otros requexos del planeta.
Nesta ocasión vamos cuntar con Kader, militante de la izquierda marroquí afincáu en Xixón, que va facenos un repasu de los casi dos años de revuelta popular nel Rif en demanda de coses tan esenciales como sanidá y educación dignes y llibertá d'expresión, y que'l réximen marroquí tá reprimiendo con saña, siendo yá dellos cientos les persones que tán en prisión por participar nes protestes.
