jueves 28 de junio de 2018 - 19h
Charra: La Guerra imperialista y el papel del Estáu español
"Guerra escontra'l terror", "misiones de paz", "misiones humanitaries"… baxo estos y otros eufesmismos escuéndese una auténtica Guerra-Mundu, una ofensiva del Imperiu y del Capital por controlar los recursos naturales, económicos y humanos en tol planeta. Una ofensiva a la que l'Estáu español nun ye ayenu, siendo ésti una pieza importante nel engranaxe imperialista, al traviés del creciente gastu militar, control social y por ser base estratéxica d'operaciones de la OTAN.
Ángeles Diez, del Frente Antiimperialista Internacionalista, va desgrananos a fondu la guerra na que tamos inmerses y cuáles son les claves que despliquen la escasa, o nula, percepción que tién la población sobre la implicación del Estáu español na mesma.
