domingo 15 de julio de 2018 - 14h
XIII Fiestes Populares del Barriu'l Carmen
Van ya 13 años dende que ente Picu Rabicu, Sestaferia y xente del barriu recuperemos les fiestes del Carmen pal barriu que lleva'l so nome. Esti añu volvemos a entamala, magar que vamos facelo 'indoor' nel llocal de Sestaferia, sobre too porque'l desgaste d'entamar un eventu d'esti tamañu mientres tantu tiempu fae necesaria una edición más cenciella pa garrar fuercies y sumar más persones pa siguir entamando la xinta na cai nos próximos años. Sicasí, esti añu tendremos folixa enforma. El domingu 15 cuntaremos cola música de Cesar Maltrago, Javier Pinacho, El Corrector y Fruela 757. Como siempre, ye too de baldre. Encamentamos a toles persones que se averen a Sestaferia a traer daqué de xintar y compartilo col restu la xente na folixa popular más prestosa de Xixón.
Organizado por Sestaferia Centru Social
