miércoles 3 de octubre de 2018 - 19h
Asamblea sobre vivienda cola Plataforma de afectados por la hipoteca.
Miércoles 3 d'ochobre 19:00 Atenéu Obreru de La Calzada. L'aula ta por confirmar.
La vivienda pasa de ser un drechu a convertise nun lluxu. Les rentes baxes y non tan baxes yá nun son quien a acceder a la vivienda. Los precios del alquiler suben mientres la precariedá sigue medrando. Los coleutivos más afeutaos son los paraos, la mocedá, los trabayadores precarios y pensionistes. Tamién por tar dientro d'estos grupos, les families monoparentales, grupos discrimaos, persones con problemes de salú, etc.
La vivienda social nun puede cubrir tola demanda y los bonos sociales nun lleguen a toos, mesmamente la xente sin ingresos nun pue acceder a estes ayudes.
Yá el tener un trabayu tampoco garantiza un accesu a la vivienda y cada vez ye más el dineru que hai que gastar tolos meses pa facer frente al pagu de los alquileres, mientres los sueldos son cada vez más baxos, teniendo que asumir a la empar una mayor factura de la lluz y gas.
Esmolecedor ye la compra de vivienda vacía por fondos buitre, que faen que medre'l preciu del alquiler, demientres vuelva a crease una nueva burbuxa inmobiliaria ante'l repunte de la construcción.
Pa tratar toos estes temes y ver cómo abordalos, si ye que fuera posible, pero ye bastante improbable viendo la magnitú del problema. Aconceyaremos con la Plataforma de Afectados por la Hipoteca y toles persones que quieran averase y tean en mayor o menor medida con esti problema o simplemente quieran busca-y una solución.
