miércoles 14 de noviembre de 2018 - 12h
Manifestación y encierru formativu
Dende distintos colectivos anticapitalistas decidimos entamar acciones conxuntes pal 14 de payares, día nel qu'hai convocada una fuelga estudiantil nes principales ciudaes d'Asturies.
Nós y nós nun pretendemos dir a "remolque" de la convocatoria oficial, ya que pensamos que sólo ye un paripé más promoviu polos comenenciosos de siempre, que lleven faciendo lo mesmo dende fai décades con escases resultancies, promocionaos pelos principales medios de comunicación que, como sabemos, nun son precisamente bien amigos de la realidá y la veracidá informativa. Sólo busquen atraer a la mocedá en base a les cuestiones más mediátiques del momentu, faciéndonos creer a la xente que les fuelgues son un fin en sí mesmu, y non una "ferramienta" pa consiguir determinaos fines, anulando asina'l so conteníu y significáu real.
Tampoco entren en fondura nes temes que realmente nos afecten a toes, fomentando'l tracamondiu y la desorganización ente los estudiantes y la mocedá trabayadora.
¿Ú el sofitu y la solidaridá coles 3 piqueteres deteníes el pasáu 8m por lluchar polos derechos de toes?, ¿y coles 2 compañeres que van ser xulgaes por llantar cara a la discriminación y l'intolerancia facista de Hazteoír? Efectivamente, rellumen pola so ausencia.
Por eso creemos que yá ye hora de dar un golpe enriba la mesa, de crear una alternativa revolucionaria nes universidaes, institutos y barrios obreros. Un proyectu que ruempa col discursu conciliador y socialdemócrata col que tanto nos bombardeen constantemente, romper cola idea del "movimientu pol movimientu", de la " unidá abstracta" y del cortoplacismo que lleva tanto tiempu somorguiáu ente les organizaciones y colectivos populares.
¡Por eso y enforma más, el 14 de payares a les 12:00 h na Escandalera, xúnite al nuesu bloque!
