sábado 24 de noviembre de 2018 - 17h30
Rellacionando comerciu xustu y soberanía allimentaria dende lo llocal
Taría bien que vos apuntaseis pa facenos una idea de cuántes vamos participar. Podéis facelo mandando un sms, uasap o telegram al númberu 688 95 60 00 o un corréu a rabicu@nodo50.org
17.30 TALLER: "Ferramientes pa la soberanía alimentaria". Conducíu pel LLaboratoriu de Consumu de l'Asociación de vecines y vecinos Santiago, de Nuevu Xixón, Perchera y La Braña.
19.30 CHARRA: "Bienes comunales para la soberanía alimentaria". Elena Vega, Coordinadora de Escuelas Campesinas de Palencia.
La Soberanía Alimentaria ye'l derechu que tienen los pueblos a producir alimentos abondo, en cantidá y calidá, p'abastecer a la so población, y a definir les sos polítiques agraries. Esti derechu ta siendo gravemente atacáu polos intereses de les multinacionales de l'alimentación y poles polítiques de los gobiernos, que les favorecen. Reflexonar sobre estes polítiques, sobre los medios de producción y venta d'alimentos y sobre les propuestes pa superar la situación paeznos imprescindible.
Los mercaos llocales y les places fueron de siempre la manera d'abastecese d'alimentos de la población de pueblos y ciudaes. Magar que estos mercaos van desapaeciendo, afogaos pola presión de les grandes superficies, grupos activos d'artesanes y productores d'alimentos, y tamién de consumidores, tán esforciándose pa consiguir afitar grupos de consumu, mercaos sociales y otres iniciatives onde mercadexar directamente los sos productos. Estes iniciatives tán multiplicándose per tol mundu y les consideramos mui importantes na llucha pola Soberanía Alimentaria. Pero tamién hai otres ferramientes pa trabayar p'alcanzala sobre les que cavilar y aldericar.
TENEMOS DERECHU A COMER SANU, RESPETANDO'L MEDIU AMBIENTE Y ENSIN ESPLOTAR A NAIDE
Organizado por Aavv Santiago Gijon y Picu Rabicu
