miércoles 30 de enero de 2019 - 19h
Concentración contra el exterminio social en Colombia
Con llicencia abierta y blindada pa matar... asina titula la Comunidá de Paz de San José Apartadó la so penúltima nota de denuncia de la complicidá ente paramilitarismu y fuercia pública p'atacar a la so Comunidá de Paz. Y ye una fras que retrata esti periodu de gobiernu de Duque en que los crímenes enfósquense, y nin avaga cuntar les vides de caúna d'estes persones esterminaes.
La iniciativa de realizar acciones comunes de protesta énte les masacres, en Sevilla, en Xinebra, en Bruxeles, en Madrid, en Xixón... ye una más ente miles, de les que se vienen realizando tratando de poner frenu al xenocidiu social.
Xornada Internacional de Solidaridá
En contra del homicidiu de los líderes sociales y la impunidá.
Pol afitamientu del procesu de paz. 30 de xineru y 2 de febreru
Dende Colombia lleguen a diario esmolecedores noticies sobro l'asesinatu de líderes y lidereses sociales, activistes comuñales, xestores culturales, autoridaes indíxenes, activistes ambientalistes y de ex-combatientes de FARC. Nun son fechos aisllaos, son actos antemanaos: tratase d'una operación apostada que proxecta españar el procesu de paz. Non solo fai estrices l'alcuerdu... sinón qu'amás sigue perpetuando'l xenocidiu contra'l movimientu social y popular, y pretende apavoriar a los sos protagonistes nel terrén.
De la mesma manera consolida'l dominiu terrateniente n'amplies zones agraries, afala la implantación d'agresivos proyectos extractivistes o d'economíes illegales, y consolida programes políticos reaccionarios.
L'actitú del gobiernu colombianu pasó de la indiferencia a la complicidá por aciu decretos y nomamientos qu'otorguen especiales prebendes a sectores de ganaderos y terratenientes a los que les organizaciones sociales y de Derechos Humanos señalen como responsables de los actos de violencia, de refugu de tierres y persecución a les víctimes.
Énte esta grave situación convocamos pa desenvolver ente'l 30 de xineru y el 2 de febreru una Xornada Internacional de Solidaridá, cola realización de diverses acciones de denuncia, sensibilización y refugu énte la persecución decretada contra'l movimientu popular colombianu y de solidaridá coles sos lluches pola paz, la vida y la democracia.
#ParenYál'Esterminiu
En Xixón convidamos el día 30 de xineru, día escolar de la PAZ, a les 7,00 na Plaza del Parchís.
Asamblea Moza d´Asturies, Soldepaz.Pachakuti, Colectivu d'abelugu Luciano Romero.
Origen : mensaje recibido el 24 enero 18h