viernes 14 de marzo de 2014 - 19h30
Xornada de prensa alternativa y Timba Poétika
Esti vienres contamos cola presencia de los responsables de Diagonal Periódico y la revista Atlántica XXII pa presentanos los nuevos númberos d'estes publicaciones, nos que podremos informanos de lo que nun nos cuenta la prensa convencional.
Darréu continuará l'actu cola Timba Poétika, espectáculu que busca recuperar la dimensión oral y pública de la poesía, frente al calter escritu y priváu que tien mayoritariamente dende hai décades. Igualmente, búscase la conexón col públicu, la espontaneidá, la improvisación y l'interactuar con música en direutu. Habrá micro abiertu, polo que tolos poetes, actores y actrices, músicos y músiques que quieran participar con una muestra del so arte van tener oportunidá de facelo.
Nel actu habrá comida y bebida ¡pa que nun tengáis que dir a casa a cenar!
