viernes 5 de abril de 2019 - 18h
III años de Xusticia
Tres años dan pa muncho y son una escusa perbona pa echar una güeya atras y tamién pa facer por siguir espurriendo la idea. Queremos cellebrar y siguir deprendiendo xuntes y si nun nos conoces invitate a que te arrimes a La Xusticia que tamién ye to casa.
Arrincamos el Xueves 4 d'abril aldericando con Yanira Hermida autora del llibru "Lluchaben per un mundu nuevu. Lucía Sánchez Saornil y Sara Berenguer Laosa, militancia anarquista na Guerra Civil Española" (Editorial Descontrol, 2015).
Ser muyer y pertenecer al movimientu llibertariu garantizate un espaciu vacíu na Hestoria de los grandes volumes académicos, relevate al silenciu de la ciencia heteropatriarcal que busca nel pasáu aquellos procesos y fechos que dan sentíu a la trayectoria del capital. Estes páxines nacieron de la busca de la xenealoxía de les muyeres revolucionaries, aquelles que vivieron la revolución tres el llevantamientu fascista del 18 de xunetu del 36, pero tamién d'aquelles que la so esistencia yera por sí revolucionaria n'una sociedá ónde les muyeres empezaben a lluchar pola so autonomía vital y pola so llibertá personal.
¿Cuálos yeren los sos puntos de partida? ¿Cómo encaraben los entueyos de simbolizar l'arquetipu de muyer proletaria? ¿Qué contradicciones se xestaron ente los sos discursos y les sos esperiencies vitales?
Con tan ambiciosos interrogantes poner en marcha esti testu que recueye la trayectoria vital de dos muyeres qu'encarnaron nos sos actos el so compromisu cola Revolución Social y la so busca d'un nuevu mundu nel que conceutos como Llibertá, Xusticia ya Igualdá fueren una realidá bultable y non una entelequia.
Detrás d'ella May tocara unes canciones resaltando la importancia de la muyer pal cambiu revolucionariu.
Al día siguiente, el vienres 5, tarán na Xusticia los meyores poetes del momentu. Tan por confirmar, ya los diremos poniendo, pero los que vinisteis otres vegaes ya sabeis lo prestoso que ye, habrá un espaciu pal micro abiertu y detrás pincharemos algo amenizaos por la meyor música balcanica d'Asturies de la mano de VORONKA, dexamosvos un videu aqui que ficieran cuando yeren swin XXI:
https://www.youtube.com/watch?v=lHtUrI6qX8E
Pa zarrar los actos d'esti añu tornara a tar ente nós Carlos Taibo. Trai embaxu'l brazu un llibru "Los escaecíos de los escaecíos" que ye una curtia hestoria del anarquismu español. Anque'l llibru tien una franca vocación pedagóxica y divulgadora, incorpora una crítica que mos dará pa aldericar. Ye'l casu de los que s'interesen poles esplicaciones que dan cuenta del pesu del anarquismu n'España, pola naturaleza de fondu d'esti, pola so dimensión d'articulación d'una sociedá alternativa, poles discusiones que se dieran, mientres la guerra civil, al calor de la participación nes instituciones o, d'últimes, pola mesma actualidá del pensamientu y de les práctiques llibertaries.
Tol mes d'abril vas poder visitar tamién la esposición La Ruche: escuela anarquista (1905-1917)
Tratase d'una esposición realizada pola Biblioteca Social La Colmena, compuesta de 12 paneles en cartón pluma de 75x50cm que recueyen el proyectu educativu de La Ruche realizáu por Sebastián Faure, escritor y filósofu anarquista francés.
La escuela siguía los mesmos principios que la escuela de Cempuis, y los sos principios fundacionales yeren similares a los conceutos d'educación permanente" de Proudhon y la "bon nacencia, bona educación y la bona organización social" de Paul Robin. La enseñanza buscaba'l desenvolvimientu intelectual, técnicu y moral.
Los trés principales esferes de la pedagoxía cumplíense al traviés de: clases, el trabayu nel campu y toles distintes actividaes necesaries para asegurar l'autosuficiencia de la escuela. Los valores morales inculcados yeren:
El respetu de l'autonomía del neñu.
El métodu positivu o racionalista.
La falta de rangos o cualesquier otra forma de clasificación (sacantes delles de les actividaes acutar a determinaos grupos d'edá).
La educación mista.
La educación sexual (toles actividaes yeren mistes).
La esposición rescata la figura de Sebastián Faure, según la esperiencia de la escuela llibertaria en 12 paneles que nos amuesen al traviés de fotografíes de la dómina, una forma d'educación integral y inmortalizan una esperiencia tremendamente innovadora pa la dómina.
Organizado por CSA La Xusticia
