sábado 25 de mayo de 2019 - 12h
Procesu Batura | Alcontrámonos
PROCESU BATURA
ALCONTRÁMONOS | 25 DE MAYU | UVIÉU
La mañana del sábadu 25 de mayu, n'Uviéu, les persones que formamos el Procesu Batura vamos presentar unes primeres concluxones sobre la rolda de conceyos abiertos desendolcada nes selmanes últimes p'abordar l'analís de la situación de la izquierda soberanista asturiana, identificando potencialidaes y necesidaes, y entamar a dibuxar les llínies d'un futuru políticu alternativu pal país.
Nesta primer tirada de conceyos, celebraos en delles poblaciones del país, el Procesu Batura axuntó les opiniones d'una bona cantidá de persones que tuvieron presentes nes actividaes participatives, cola voluntá de siguir nuna segunda etapa, afondando y espardiendo'l procesu per otres fasteres del país. Tres los aconceyamientos ellaboróse un primer documentu que vamos presentar esti 25 de mayu, qu'ha valir tamién como xida p'atopanos y reconocenos toes nun espaciu físicu común.
Pa siguir afondando nesta llínia de trabayu, pasín ente pasu, y siguir creando cadarmes polítiques y estratéxiques al serviciu del pueblu trabayador asturianu, convidámoste a acudir a esti actu pa sofitar al Procesu Batura, como espaciu de construcción política de base dende y pa la izquierda soberanista asturiana.
Nel actu, que va cellebrase n'Uviéu a les 12h con llugar por confirmar, va haber tamién una pequeña intervención musical y va finar con una espicha popular a la que queremos convidavos a toes y toos.
¡Avérate, espardi y garra la iniciativa pa siguir participando a comuña!
¡El 25 de mayu toes a Uviéu a ALCONTRANOS!
Organizado por Batura
