Comentar (0)Compartir coche EnviariCalCompartir

jueves 27 de junio de 2019 - 19h30

Presentación de "Los llazos coloraos" nel Llar La Llegra d'Uviéu

El cómic, que foi premiáu col IX Premiu Alfonso Iglesias de cómic qu'otorga la Conseyería d'Educación y Cultura del Gobiernu d'Asturies, va presentase'l próximu xueves 27 de xunu, a les 19.30h nel Llar La Llegra d'Uviéu. Pa ello, vamos cuntar col so autor, Alberto Vázquez García, que vien de facer dellos documentales sobre'l movimientu obreru asturianu y l'exiliu republicanu nos que s'atopen una bayura de datos y testimonios imprescindibles pa entender social y políticamente aquel tiempu.

"Los llazos coloraos" ye un percorríu peles fuelgues heroiques de la minería asturiana ente los años 1957 y 1965 n'Asturies nel que se van viendo, al traviés de los testimonios de la xente que vivió aquellos fechos, la cantidá d'estratexes qu'ellaboró'l movimientu obreru naquella dómina, en plena dictadura franquista, pa responder a la represión. Al traviés de les vides d'Anita Sirgo y Tina Pérez faise un repasu pela llucha antifascista y los destierros, tortures, despidos y palices que tuvieron qu'afrontar aquelles muyeres y homes que dieron les sos vides pola llibertá. Como diz el so autor, "aquella Asturies que yá quedó atrás tien fama de que foi una tierra rebelde, pero naide s'alcuerda nin de los fechos nin de les feches, del orde de los acontecimientos, de los y les protagonistes...ye un olvidu aguiyáu polos poderes pa convencenos de qu'hubo una vez un rei que truxo una democracia..."

Esti cómic nun ye namás un homenaxe a aquelles asturianes y asturianos y a aquellos fechos que protagonizaron y que naide empondera: ye tamién un documentu de valir didáuticu que tendría que facer de vacuna social anguaño, nun momentu nel que'l fascismu torna a asomar el focicu de manera más qu'evidente.

Vémonos el xueves 27 en La Llegra con Alberto Vázquez y una bona montonera d'exemplares de la segunda edición del cómic.

Puxa les que llucharon y lluchen!!

Organizado por Espaciu La Llegra

Tus comentarios

Información adicional y comentarios de los visitantes del sitio

Tus comentarios

Be the first to comment