domingo 21 de julio de 2019 - 13h
Ciclu de charres:"Fraguas revive"
En gran parte'l Estáu español asistimos atónites al éxodu xeneralizáu que vacía les zones rurales y engrosa les files del mundu urbanu, afitando un modelu social que nun ye compatible cola pervivencia de los ecosistemes. Mientres falen de contino de despoblación lleven alantre polítiques que nun pueden otra cosa que acrecentar el problema, yá que nun algamen afirmar la vida rural como un valor en sigo mesmu. Los movimientos sociales comprendieron va tiempu que munches de les soluciones a los problemes globales que nos amenacen pasen per una reruralización xeneralizada y un drásticu amenorgamientu de los niveles de consumu actuales. Proyectos como'l de Fraguas, y munchos otros, pretenden demostrar que una vida en comuña, y con horizontes d'autosuficiencia, ye posible. Y otru mundu, tamién.
Pa falar d'ello van tar n'Asturies Mila e Isaac, dos de les persones encausaes pol casu Fraguas.
