viernes 4 de abril de 2014 - 19h30
Inauguración del Espaciu Comunista Aida de la Fuente: Asturies contra la represión
Tras selmanes de trabayu p'acondicionar el llocal nel CSOA la Madreña, por fin vamos entamar col programa d'actividaes del Espaciu Comunista Aida de la fuente. Estí Vienres 4 d'Abril va inaugurase a les 19:30, con una mesa redonda onde aldericaremos sobre la creciente intervención represiva de les ferramientes del estau capitalista y la necesidá d'axuntar fuercies pa golpiar xuntos n'un frente únicu antirepresivu. Cuntaremos con imputaos de la campaña Asturies en Pie pola Xusticia social, una iniciativa de 9 coleutivos y sindicatos que se xuntaron va dos años pa crear un instrumentu de llucha y de movilización. El so enfotu ye ser una ferramienta más, de les munches qu'existen n'Asturies pa alcanzar les reivindicaciones obreres y populares, faciendo frente a la creciente represión. Durante esti añu, tendrán llugar n'Asturies xuicios importantes, con peticiones de cárcele y multes millonarias, a persones que participaron na llucha obrera, na feminista, na fuelga xeneral del 14-N, nel conflictu mineru, en Caxastur, Tenneco...etc.
Videu presentación Asturies en pie pola xusticia social
https://www.youtube.com/watch?v=ETyzkzCbBfQ
Por otra parte y como nun podía ser d'otra manera cuntaremos con imputaos del CSOA la Madreña. Un centru social al serviciu del barriu obreru de Pumarín y pa toa Asturies que dende varios años bien siendo un iconu de les lluches populares asturianes. Un espaciu lliberau al serviciu del pueblu asturianu onde la combatividá siempre ye bien recibida. Un espaciu que fasta la propia xusticia burguesa tuvo que reconocer que fae un bien social, anque sigue teniendo 5 imputaos acusaos hipócritamente "d'usurpar" un inmueble abandonau a la so suerte en mediu de la operación de los palacios y la quiebra de la empresa semi-pública sedes.
Videu esplicativu del trabayu del CSOA La Madreña
https://www.youtube.com/watch?v=CwTPSmk1AXI
Al finalizar la charra habrá un pequeñu pincheu con bebida a precios populares.
