sábado 21 de septiembre de 2019 - 13h
Concentración por el Mercau social de Nava
Esti sábadu volvemos col mercáu... Si ye que l'ayuntamientu nos dexa. Sí, l'ayuntamientu ta poniéndonos torgues pal funcionamientu normal del Mercáu Social de Nava y mañana tenemos concertáu un conceyu con delles responsables del mesmo.
Siguiremos informando y esperemos que seya pa bien.
Ayer comentábemos que l'ayuntamientu de Nava taba poniendo torgues pal desarrollu normal del mercáu y qu'hoi teníemos un conceyu p'arreglar l'asuntu. Pues el señor alcalde de Nava decidió poles braves y de mui males maneres, danos cola puerta nes narices depués de facenos esperar 45' pa velu. Asinamesmo, la policía local tien la orden de dir el día de mercáu a pidir documentación a tolos puestos.
En vista que nun hai garantíes pa que'l mercáu se celebre en paz y armonía y que necesitamos tiempu p'armanos y protexenos (porque sabemos que tenemos la llegalidá de la nuestra parte), na asamblea d'esta tarde decidióse SUSPENDER EL MERCÁU DEL SÁBADU 21 Y FACER D'ESI DÍA, UNA XORNADA DE PROTESTA PACÍFICA Y FESTIVA. Asina ye que se convoca a tola xente a tar na plaza a les 13h, momentu nel que va desenvolvese una rueda de prensa pa informar de la situación desencadenada pol ayuntamientu y la nuestra postura. A les 13.30h, vamos siguir cola música de la mano de Sandra Zamora pa zarrar l'actu.
El mercáu de Nava ye de toes y nun sobra naide, poro, participa y difunde pola supervivencia del Mercáu Social de Nava.
Les places son nuestres! Vémonos ellí!