martes 5 de noviembre de 2019 - 19h30
¿Qué ta pasando en Chile? Alcuentru con estudiantes chilenes
A Asturies lléguennos con munchu interés, y tamién esmolición, les grandes movilizaciones que se vienen desendolcando nes últimes selmanes en Chile. Tamién lleguen les noticies de la fuerte represión que'l gobiernu de Piñera ta exerciendo escontra les manifestantes.
Nestos díes, cuntamos cola presencia de delles estudiantes chilenes que tán n'Asturies y que yá desendolcaron dalguna movilización n'Uviéu pa denunciar lo que ta pasando, polo que tenemos la suerte de facer esti coloquiu-alcuentru pa falar de la situación del so país y analizar estos caberos 30 años de "democracia" y "constitución" que, como nos recuerden, foi fecha embaxo d'una dictadura militar. ¡Cuántu paralelismu!
Atopámonos nel Llar La Llegra esti martes, 5 de payares, a les 19.30h pa falar d'ello. ¡Y a esperder convocatories solidaries cola Chile rebelde!
Organizado por Espaciu La Llegra
