Comentar (0)Compartir coche EnviariCalCompartir

jueves 14 de noviembre de 2019 - 9h45

Concentración-Xuiciu a insumisu elleutoral

El prósimu xueves 14 de Payares va tener llugar el primer xuiciu por insumisión elleutoral n'Asturies. Esti ye ún de los motivos polos qu'entamamos esta campaña de desobediencia civil que tien como envís afalar la crítica a la democracia representativa como una falsedá impuesta pol sistema económicu reinante: El capitalismu. Nos somos xente d'estremaes idees, pero tenemos clara una sola cosa: lo únicu que cambia les coses ye la llucha y la desobediencia. Eso ye lo que nos enseñó la historia, la vida y la militancia n'otros movimientos como la insumisión al serviciu militar, la okupación o la llucha obrera. Facemos un llamáu a participar d'esta estratexa na midía de les posibilidaes de ca ún/a y a solidarizase colos/es desobedientes.
Hoi mesmu 31 d'Ochobre una moza de LLangréu presentaba la so refuga a participar na mesa elleutoral que-y tocó. Que s'estienda la desobediencia!

La insumisión elleutoral ye una estratexa de desobediencia civil que pretende poner en custión el sistema políticu de la democracia nomada "representativa". Esta nun ye una braera democracia sinon una delegación del sistema económicu capitalista que ye quién realmente tien el poder en toles sos formes. La participación de la sociedá ta llendada simplemente a meter una papeleta cada cuatro años, lo que resulta ineficaz dafechu pa cualesquier cambiu sustancial nesti sistema.
Nel casu concretu del Estáu español a ésto sumamos un edificiu istitucional heredáu del franquismu del que nun hebo una frayaura sinon una continuidá. Los derechos de los pueblos baxo esti estáu tan encadenaos a una constitución de calter sagráu, imposible de poner en custión. Les llibertaes d'espresión y información tan baxo'l güeyu d'unos emporios económicos que torguen cualisquier proyeutu de disidencia real.
Esti edificiu estatal heredáu del franquismu y tamién dependiente d'esa super estructura antidemocrática que ye la Xunión Europea ye dalgo col que nun queremos colaborar y por eso utilizamos la desobediencia como táctica cuando nos obliguen a asistir a una mesa elleutoral.
La posibilidá de tomar decisiones reales y efectives va per un camín dixebráu del d'esta democracia representativa.
Les estructures abiertes que posibiliten una forma de relacionase ensin la mediación forzosa de los intereses económicos d'una clase dominante y del capitalismu como únicu modelu , son dalgo a lo qu'esti tipu de sistema políticu que mos imponen nun da posibilidá.
D'otru llau ésto, la insumisión elleutoral, ye una apuesta pol reforzamientu de los movimientos y pola vuelta a eso que la hestoria nos enseña una vez tres otra. y que ye que los drechos y les conquistes sociales son frutu de la llucha colectiva na cai y non de les decisiones de parlamentos.
Estos son unos de los motivos pa utilizar esta estratexa, pue haber otros igual de válidos. Si te toca nuna mesa elleutoral y decides non colaborar ponte en contauto con nos y t'informamos.