sábado 23 de noviembre de 2019 - 12h30
Conceyu Abiertu Procesu Batura
📢 Nun fináremos, tábemos pensando🤔:
➡️ El #ProcesuBatura torna a aconceyar tres un parón na xera. El viniente conceyu abiertu a la participación de toes va ser nel Llar La Llegra (El Postigu Baxu, 40) esti sábadu 23 de payares a les 12.30 hores.
👉¿Vamos cuntar contigo? 👈
➡️ La iniciativa, que xurdió col enfotu d'axuntar a persones que se reclamen como soberanistes, asturianistes y/o nacionalistes d'izquierda a entamos del 2019, tuvo trabayando demientres los meses de xineru a xunetu una dinámica participativa cola presencia de más de 60 persones que s'averaron a interesase y a apurrir les sos idees y propuestes.
↘️ Dempués d'esos primeros meses de trabayu algamóse una dinámica de trabayu horizontal y participativa, ellaboráronse documentos d'análisis de la información atropao y fízose por facer un alderique descentralizáu, moviendo les actividaes per Uviéu, Xixón, Avilés, L'Entregu y L'Infiestu, quedando nel aire la posibilidá d'ampliar la participación a otros conceyos del oriente y occidente.
↘️ Cola llegada'l branu hebo un parón qu'agora, tres de la voráxine eleutoralista, queremos y tenemos que facer que fine pa tornar a echar a andar la maquinaria popular.
↪️ Siguimos pensando que n'Asturies hai un espaciu políticu asturianu ensin definir, ensin trabayar nin organizar, que fai falta p'ameyorar les condiciones de vida de les asturianes y asturianos.
↪️ Siguimos albidrando qu'Asturies adolez d'análisis y propuestes diseñaes dende la realidá asturiana coles que poder da-y otra traza a Asturies.
↪️ Sigue paeciéndonos que cualquier proyeutu de construcción social y nacional d'Asturies ha pasar pola participación y la implicación de tola xente que se reclama asturianista, soberanista o nacionalista d'izquierdes, qu'anguaño nun atopa espaciu pa trabayar a comuña con otres, y qu'esi espaciu ha ampliase a otros seutores de la población asturiano que sientan la necesidá de tresformar la sociedá pa vivir nun país más xustu.
📢👉Por too ello, tornamos a venos n'Uviéu. Tornamos a facer de Batura un espaciu llibre, pa trabayar, pa movese nél.
💬Y tu, ¿vas garrar la pallabra?💭
