viernes 29 de noviembre de 2019 - 12h30
Cambialo too:Una mirada xurídica/social sobre'l drechu a decidir
"CAMBIALO TOO: una mirada xurídica y social sobre'l derechu a decidir"
El viniente vienres 29 de payares, n'Uviéu, van tener llugar unes xornaes entamaes pola plataforma "Asturies pol Derechu a Decidir" nes que vamos analizar les implicaciones xurídiques y sociales de la sentencia sobre'l Procés soberanista catalán y les consecuencies que dexen pa los movimientos sociales y políticos contrahexemónicos de tol estáu español.
- Les xornaes entamen a les 12.30h con una mesa redonda nel Aula de graos de la facultá de Bioloxía de la Universidá d'Uviéu col títulu "Les llibertaes civiles y les implicaciones xurídiques de la sentencia del Procés". Na mesa vamos cuntar cola participación de Marina Morante (activista social catalana), Xavier Monge (abogáu nes causes poles cargues del 1-O), el músicu solidariu Nacho Vegas y Silvia Salamanca, de la plataforma organizadora.
- Dempués, nel Cibercentru de cai La Lila, a les 18.30h., va tener llugar la mesa "Voces solidaries col derechu a decidir: faciendo palanca pa la tresformación social" cola presencia de los citaos Marina Morante y Xavier Monge a los qu'hai qu'amestar a Jaime Pastor (profesor de CC Polítiques na UNED y portavoz de Madrileños por el Derecho a Decidir), y les trabayadores en llucha de la Plataforma SAD (Servicios d'Ayuda a Domiciliu), asina como la visión de la propia organización convocante de les xornaes.
- Pa finar, a les 20.30h, va tener llugar una espicha de confraternización y autoxestión nel Espaciu La Llegra (El Postigu Baxu, 40) onde siguir col alderique nun ambiente más cercanu.
¡Avérate y échanos un gabitu nel espardimientu de l'actividá!
Organizado por Asturies pol derechu a decidir
