sábado 25 de enero de 2020 - 12h30
¡Muyeres y disidencies!Acción colectiva.Un violador nel to camín
Un grupu de muyeres tamos preparando una versión asturiana de la performance «Un violador nel to camín», del grupu chilenu Lastesis. Vamos facelo'l día 25 de xineru, a les 12:30h, na Plaza L'Humedal (onde acabó la mani del 8M), en Xixón.
Otra manera, la idea ye que la base musical percusiva la faigan un grupu de pandereteres con panderu a ritmu de muñeira xunto con toles percursiones que quieran participar, mentanto que les demás faen la coreografía. Pa la puesta n'escena hai que colocase en fileres, asina que caúna espurra'l brazu al frente y a los llaos y sía esa la distancia que guarde coles compañeres.
La performance, amás de música, lletra y coreografía, contién otros elementos que consideramos importantes caltener del orixinal: la venda negra tresllúcida nos güeyos como símbolu d' indefensión énte la violencia patriarcal; pañuelos verdes n'apoyu a les compañeres arxentines; y ropa de nueche (glam, brillu, fiesta). Anque, per otru llau, cuidamos necesario adaptala a la nuestra realidá traduciéndola al asturianu, introduciendo instrumentos de la nuestra tradición y cambiando dalguna palabra ("pacos" por "maderos", etc.) y la última estrofa, que la garramos emprestada de les nuestres hermanes gallegues.
¡Axuntáivos coles vuestres mas, hermanes, primes, vecines, amigues, compañeres, collacies y ensayái!
¡Vémonos el día 25! ¡Abaxo'l patriarcáu!
