martes 14 de enero de 2020 - 10h30
Concentración en defensa de los servicios públicos y llibertá d'expresión
Fae dos años una campaña sindical de la CSI pa denunciar la contratación en fraude de tres directivos na RTPA sofitóse gráficamente con unes viñetes humorístiques y una
pegadiella.
El próximu martes 14 de xineru va haber un xuiciu escontra dicha pegadiella que pon n'entedichu la llibertá d'expresión y les llibertaes sindicales pa defender los servicios públicos énte la corrupción, el clientelismu y el nepotismu.
En términos asemeyaos nun ye esti'l primer casu nin muncho menos ún de los más graves. Viénnos a la cabeza el casu de los titiriteros, la persecución escontra bandes de música, cantantes de RAP, artistes o les portaes de revistes satíriques como El jueves y MONGOLIA ente otros munchos menos mediáticos.
Nel casu de la RTPA, sofitándose nesti contextu de retrocesu de la llibertá d'expresión y les llibertaes sindicales, la dirección de la cadena pública afala la persecución y la represión escontra quien venimos denunciando dende fae años la xestión chanchullera y clientelar.
Ana Francisco ye la presentadora del concursu El Picu de la RTPA, ye collaboradora habitual de Todo es mentira del canal CUATRO, onde utiliza la sátira, l'humor y la persecución callexera pa cuestionar a toa triba de personaxes públicos y ye la pareya d'Antonio Virgili. Dambos nun duldaron n'abondes ocasiones en visibilizar al traviés de la RTPA la so rellación amorosa, evidenciando les denuncies de nepotismu que facíemos dende la CSI. Tampoco nun duldaron n'utilizar les imáxenes de videovixilancia internes de la RTPA vulnerando la llei de protección de datos con fines antisindicales y en favor de la querella d'Ana Francisco.
Pa la defensa del interés xeneral, de la xusticia social, de los drechos llaborales, de la calidá de los servicios públicos... resulten imprescindibles la llibertá d'expresión y les llibertaes sindicales.
Por eso nun vamos permanecer en silenciu énte esti xuiciu a una pegadiella satírica y vamos concentranos
EN DEFENSA DE LOS SERVICIOS PÚBLICOS Y LA LLIBERTÁ D'EXPRESIÓN.
Enlace de la denuncia y en la que sale la viñeta: http://www.csi.rtpa.as/2018/persecucion-sindi…
