jueves 6 de febrero de 2020 - 19h30
Xosé Ambás. Música tradicional
Xosé Ambás naz n'Ambás, pueblu del conceyu Grau, en 1974 nuna familia tradicional coles tres xeneraciones, ca Sanchu.
En Ca Sanchu siempre fonon ganaderos ya artesanos del quesu d'afuega'l pitu.
De los güelos y les güeles d'Ambás y Cubia mama la tradición oral de primera manu. La buela materna, Celestina ca Sanchu sigue cantando'l repertoriu tradicional con 98 años, la buela materna María Sabel de ca Florentu de Cubia tamién foi una bona conocedora del romanceru y los cuentos tradicionales.
Xosé Ambás entama con 14 años a tocar la gaita y d'esa afición entama a grabar y recopilar cantares a vecinos pola contorna de Salcéu, taba entamando a facer trabayu de campu ensin dase de cuenta. D'esto ya fai trenta años pero Ye de fai venti p'acá cuando entama esta recopilación más en serio y de manera más sistematizada.
Terminaos los estudios d'enfermería n'Uviéu esti trabayu de recopilación tien el respaldu económicu y ye cuando caleya tolos conceyos asturianos.
Fai 12 años cola llegada de Ramsés Ilesies esti trabayu miedra de manera bien importante y nesti momento seguimos recopilando y organizando estos materiales, faciendo delles publicaciones y entamando nel 2007 la serie Camín de Cantares pa TPA. Del 2007 al 2017 dura esta andadura televisiva con más de 200 programes dedicaos a la trad. Oral asturiana.
L'archivu sigue medrando anguañu y ye un de los mayores archivos de trad. Oral d'Asturies.
Podía pensase qu'estos caberos venti años la tradición taba escosa y pocos materiales novedosos podien apaicer pero fonon años d'ayalgues mui interesantes de la nuesa cultura y tamos bien arguyosos d'esti trabayu que sigue vivu.
Por esa mesma cuestión preparamos esta charla-conciertu con materiales novedosos qu'alcontramos nesta andadura nos últimos 10 años.
Organizado por Manglar
