jueves 13 de febrero de 2020 - 19h30
Presentación del llibru "Suañando dende Areñes"
Maxi Areñes (Xixón 1972) mos ufierta nesti nuevu llibru, "Suañando dende Areñes" una coleición de rellatos na mesma llínea del so trabayu anterior, "Cuentinos dende Areñes". Nesta ocasión, vamos alcontramos una serie de poemes de calter munchu más intimistes, ensín escaecer los rellatos en mou fábula que tantu presten al músicu, escritor y axitaor cultural afincau en Piloña. La illustraora Maitetxu Isla (compañera de vida del autor) repite nesta ocasión encargándose deles illustraciones y semeyes que vamos poder alcontrar nel llibru. Cabe destacar los dos prólogos realizaos pa la ocasión por dos bonos collacios del lider del grupu folk Fontoria, Tante Blanco (músicu y escritor) y Monchi Álvarez (periodista na Rpa). Recordamos que un de los testos que apaecen nel llibru "Canciu a mio pa", ta nominau a los premios AMAS na categoría de meyor canciu folk, habiendo aparecíu nel discu "Nordés" de la banda piloñesa.
Cuenta l'autor de la so obra:
"Esti nuevu trabayu lliterariu podríamos definilu como "un diariu de suaños", noto que'l tiempu pasa, noto que dientro de min algo ta apagándo les lluces, ye por ello que intento plasmar lo que voi sintiendo, ye daqué impulsivu que ta metio na mio mente, non puedo nin quiero dexar de crear. A vegaes veo pequeñes coses, casi diminutes y que podríen pasar inadvertíes, poles caleyes d'Areñes, llugarín preciosu de Piloña onde resido, y esos pequeños acontecimientos son los que faen que escriba sobre ellos. Hai tou un universu nes coses pequeñes, hai un mundiu enllenu maxa apenes perceptible que convive cola realidá. El vientu glaya cancios perguapos, y na más que tienes que querer sentilos. Les gotes d'orbayu cuenten pequeñes hestories mientres los gatos tan fixándose nos bailles que faen les pegues nel prau. Y toes estes coses cuenten verdaes xigantesques que puén estrapolase al nuesu díi a díi...Suañar,, seguir suañando, quiciabes esto ye lo que mos fae iguales a tóos..."
Organizado por Manglar
